وزیراعظم نے آٹے کی قیمت میں اضافے کا نوٹس لے لیا

ویب ڈیسک  جمعـء 17 جنوری 2020
وفاقی نے پاسکو کے کوٹے سے کے پی کو 1 لاکھ ٹن گندم فراہم کرنے کا فیصلہ کیا ہے، ذرائع  فوٹو: فائل

وفاقی نے پاسکو کے کوٹے سے کے پی کو 1 لاکھ ٹن گندم فراہم کرنے کا فیصلہ کیا ہے، ذرائع فوٹو: فائل

 اسلام آباد: وزیراعظم عمران خان نے آٹے کی قیمت میں اضافے کا نوٹس لیتے ہوئے قیمتوں میں کمی لانے کی ہدایت کردی۔

ایکسپریس نیوز کے مطابق وزیراعظم عمران خان نے آٹے کی قیمت میں اضافے کا نوٹس لے لیا جس کے بعد جہانگیر ترین اور خسرو بختیار کو قیمتوں میں کمی کے لیے ٹاسک سونپ دیا گیا ہے۔

یہ پڑھیں: آٹے کی قیمت 64 سے بڑھ کر70 روپے فی کلوہوگئی

ذرائع کا کہنا ہے کہ عمران خان نے وزیراعلٰی پنجاب عثمان بزدار اور خیبرپختون خوا کے وزیراعلیٰ محمود خان سے مشاورت کی ہدایت دے دی ہیں جب کہ وفاق نے پاسکو کے کوٹے سے کے پی کو 1 لاکھ ٹن گندم فراہم کرنے کا فیصلہ کیا ہے اور حکومت رواں سال 3 لاکھ ٹن گندم درآمد بھی کرے گی۔

واضح رہے کہ پنجاب میں چکی مالکان نے آٹے کی قیمت میں 6 روپے فی کلواضافہ کردیا ہے جس کے بعد قیمت 64 روپے سے بڑھ کر70 روپے فی کلو ہوگئی ہے، جب کہ کراچی میں بھی چکی کا آٹا 2 روپے کلو مزید مہنگا کر کے 66 روپے فی کلو فروخت کیا جارہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔