زرمبادلہ کے سرکاری زخائر میں 18 کروڑ 40 لاکھ ڈالر کا اضافہ

سرکاری ذخائر کی مالیت 11 ارب 91 کروڑ 52 لاکھ ڈالر کی سطح پر پہنچ گئی، اسٹیٹ بینک۔فوٹو:فائل

---

زرمبادلہ کے مجموعی ذخائر کی مالیت 9 کروڑ 17 لاکھ ڈالر اضافے کے بعد 18 ارب 36 کروڑ 27 لاکھ ڈالر کی سطح پر آگئی۔

ایکسپریس نیوزکے مطابق ایک ہفتہ کے دوران زرمبادلہ کے سرکاری ذخائر میں 18 کروڑ 40 لاکھ ڈالر کا اضافہ ریکارڈ کیا گیا اور سرکاری ذخائر کی مالیت 11 ارب 91 کروڑ 52 لاکھ ڈالر کی سطح پر پہنچ گئی۔

اسٹیٹ بینک آف پاکستان کے مطابق ایک ہفتہ میں زرمبادلہ کے مجموعی ذخائر 9 کروڑ 17 لاکھ ڈالر کا اضافہ ہوا اور 24 جنوری کو زرمبادلہ کے مجموعی ذخائر کی مالیت 18 ارب 36 کروڑ 27 لاکھ ڈالر کی سطح پر پہنچ گئی، جب کہ کمرشل بینکوں کے ذخائر 9 کروڑ 20 لاکھ ڈالر کمی سے 6 ارب 44 کروڑ 75لاکھ ڈالر کی سطح پر آگئے۔