- شرمناک شکست پر کپتان بابراعظم کا بیان سامنے آگیا
- پنجاب میں 30 اپریل تک گرج چمک کیساتھ طوفانی بارشوں کا امکان
- پنجاب: اسموگ کے خاتمے کیلیے انوائرمینٹل پروٹیکشن اتھارٹی بنانے کا فیصلہ
- وفاقی کابینہ اجلاس؛ آئی ایم ایف معاہدہ اور سیکیورٹی صورتحال ایجنڈے میں شامل
- کمزور کیویز سے شکست؛ گرین شرٹس نے ننھے فیز کو رُلا دیا
- پنجاب میں ایل پی جی سلنڈر پھٹنے کے واقعات بڑھ گئے، انتظامیہ کی چشم پوشی
- ٹی20 ورلڈکپ سے قبل پاکستان کی مڈل آرڈر کیلئے خطرے کی گھنٹی بج گئی
- زنگ آلود ذہن، ڈگری مافیا اور بے روزگاری
- مودی کے تیسری بار اقتدار میں آنے کے خدشات، بھارتی مسلمان شدید عدم تحفظ کا شکار
- نائیجیریا کی خاتون کا طویل انٹرویو میراتھون کا ریکارڈ
- دنیا کی نصف آبادی کو مچھروں سے پھیلنے والی وباء کا خطرہ
- واٹس ایپ کا اِن ایپ ڈائلر فیچر پر کام جاری
- عامر جمال کا ورکشائر کے ساتھ معاہدہ، ٹی20 بلاسٹ بھی کھیلیں گے
- پٹرولیم سیلرز ایسوسی ایشن نے پمپس بند کرنیکی دھمکی دیدی
- سیلز سسٹم تنصیب میں تاخیر پر ان پُٹ ٹیکس ایڈجسٹمنٹ میں کمی
- نجی شعبہ زراعت تبدیل کرنے میں موثر کردار ادا کرسکتا ہے، وزیر خزانہ
- 2023 میں پاکستان کو 2.35 ارب ڈالر فراہم کیے، ایشیائی بینک
- بجلی مزید 2 روپے 94 پیسے فی یونٹ مہنگی ہونے کا امکان
- روشن ڈیجیٹل اکاؤنٹس، مارچ تک ترسیلات زر 7.660 ارب ڈالر ریکارڈ
- پٹرول، ڈیزل سستا ہونے کا امکان
دانش کنیریا کی موجودگی سے بنکاک کرکٹ میں بدمزگی
کراچی: دانش کنیریا کی موجودگی سے بنکاک کرکٹ میں بدمزگی ہوگئی۔
بنکاک، تھائی لینڈ میں گذشتہ دنوں آر بی ایس سی انٹرنیشنل سکسز کرکٹ ٹورنامنٹ کا انعقاد ہوا، اس میں پاکستان سے6 ٹیموں نے حصہ لیا، ٹیسٹ کرکٹر عمر امین اور میر حمزہ جبکہ انٹرنیشنل کرکٹر رمیز راجہ جونیئر، انور علی اور حسین طلعت بھی ایونٹ کے دوران ایکشن میں دکھائی دیے، اس دوران دانش کنیریا کی موجودگی سے بڑا تنازع کھڑا ہوگیا۔
انگلش کرکٹ بورڈ نے2012میں ان پر اسپاٹ فکسنگ پر تاحیات پابندی لگائی تھی جس کا اطلاق دنیا بھر میں ہوتا ہے، کئی برس تک خود کو بے گناہ قرار دینے کے بعد 2018میں انھوں نے غلطی کا اعتراف کر لیا تھا، پابندی کے دوران وہ کسی ایونٹ میں حصہ نہیں لے سکتے۔
ذرائع نے بتایا کہ آر بی ایس سی انٹرنیشنل سکسز میں شریک بعض پاکستانی ٹیموں کو جب پتا چلا کہ دانش کنیریا ایک بھارتی کلب کی جانب سے حصہ لیں گے تو انھوں نے اعتراض جڑ دیا، ان کا مطالبہ تھا کہ سابق لیگ اسپنر پابندی کا شکار ہیں اور ان کے ساتھ ایونٹ میں حصہ لینے سے دیگر کھلاڑی مشکل میں پڑ جائیں گے،2 ٹیموں نے تو آر بی ایس سی انٹرنیشنل سکسز سے دستبرداری کی دھمکی بھی دے دی۔
ان کا مطالبہ تھا کہ دانش کنیریا کو ڈگ آؤٹ میں بیٹھنے کی اجازت بھی نہ دی جائے، ان کا گراؤنڈ میں نظرآنا ایونٹ پر بُرا اثر ڈالے گا، اس پر منتظمین نے مذکورہ ٹیم کو سابق پاکستانی اسپنر کو باہر کرنے کا کہا مگر وہ ایونٹ سے ہی دستبردار ہو گئی، اس دوران دانش کنیریا بنکاک میں رہے مگر گراؤنڈ میں نظر نہیں آئے۔
اس حوالے سے ان سے رابطے کی کوشش ناکام رہی، موبائل فون بند ملا جبکہ واٹس ایپ پر پیغام کا انھوں نے کوئی جواب نہ دیا۔ دوسری جانب پاکستان سے تعلق رکھنے والی تین ٹیموں نے رابطے پر تصدیق کرتے ہوئے کہا کہ ایونٹ کے دوران ایسا واقعہ پیش آیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔