دورۂ نیوزی لینڈ ویسٹ انڈیز کرکٹ بورڈ کا ہارنے والے پلیئرز پر اعتماد برقرار

کیویز سے تین ٹیسٹ کی سیریز 3 دسمبر کو ڈونیڈن میں شروع ہوگی، فوٹو: فائل

---

ویسٹ انڈیز نے بھارت سے سیریز میں آؤٹ کلاس ہونے والے ٹیسٹ اسکواڈ کو ہی آئندہ ماہ دورۂ نیوزی لینڈ بھیجنے کا اعلان کردیا۔

گذشتہ 2میچز میں محض25رنز بنانے اور کوئی وکٹ حاصل نہ کرنے والے ڈیرن سیمی بدستور قیادت کریں گے، کیویز سے تین ٹیسٹ کی سیریز 3 دسمبر کو ڈونیڈن میں شروع ہوگی، کیریبئن سائیڈ سردست آئی سی سی رینکنگ میں چھٹی پوزیشن پر ہے۔

کیویز سے 0-2 یا اس سے بدترین نتیجہ انھیں ایک درجے پیچھے دھکیل سکتا ہے، اسکواڈ میں شامل پلیئرز کے نام یہ ہیں، ڈیرن سیمی ( کپتان )، دنیش رامدین، ٹینو بیسٹ، ڈیرن براوو، شیونرائن چندرپال، شیلڈون کوٹریل، نرسنگھے دیونرائن، کرک ایڈورڈز، شینن گیبرئیل، کرس گیل، ویراسیمی پرمیول، کیرون پولارڈ، مارلون سیموئلز،شین شیلنگفورڈ اور چیڈوک والٹن۔