اداکارہ ارمینا خان شادی کے بندھن میں بندھ گئیں

ارمینا خان نے فیصل خان کے ساتھ نکاح کی خوشخبری سوشل میڈیا پر شیئر کی، فوٹو انسٹاگرام

---

اداکارہ ارمینا خان اپنے قریبی دوست فیصل خان کے ساتھ خاموشی سے شادی کے بندھن میں بندھ گئیں۔

اداکارہ ارمینا خان نے ویلنٹائن ڈے کے موقع پر اپنی شادی کی خوشخبری شیئر کی۔ ارمینا خان نے اپنے قریبی دوست فیصل خان کے ساتھ سوشل میڈیا پر اپنی تصویر شیئر کی اور انہیں اپنا شوہر کہہ کر متعارف کرایا۔

ارمینا خان نے فیصل خان کے ساتھ شادی کی تصدیق کرتے ہوئے کہا کہ ہم باقاعدہ شادی کے بندھن میں بندھ گئے ہیں اس کے ساتھ ہی انہوں نے کہا کہ وہ اپنے ولیمے کی تقریب بعد میں منعقد کریں گی۔ انہوں نے اپنے تمام چاہنے والوں کا شکریہ ادا کرتے ہوئے لکھا آپ سب کا شکریہ ہمیں سمجھنے اور ہماری حمایت کرنے کے لیے مجھے آپ سب سے بے حد محبت ہے۔

یہ بھی پڑھیں: ارمینا خان نے پریانکا چوپڑا کی منافقت کا پول کھول دیا

بعد ازاں ارمینا خان نے اپنے شوہر کو مسٹر خان کہہ کر مخاطب کرتے ہوئے انہیں ویلنٹائن ڈے کی مبارکباد بھی دی۔ ارمینا کے شوہر فیصل خان نے بھی اپنے انسٹاگرام اکاؤنٹ پر یہ خوشخبری لوگوں کے ساتھ شیئر کی اور ارمینا کو اپنی بیوی کہہ کر متعارف کروایا۔

یہ بھی پڑھیں: ارمینا خان نازیبا گفتگو کرنے پر شیخ رشید پربھڑک اٹھیں

سوشل میڈیا پر مداحوں کی جانب سے ارمینا خان کو زندگی کی نئی شروعات کرنے پر ڈھیروں مبارکبادیں دی جارہی ہیں اور لوگ ان کی زندگی کے لیے نیک تمناؤں کا اظہار کررہے ہیں۔

[instagram-post url="https://www.instagram.com/p/B8jazGDna_z/"]