ماہرہ اور فہد کی ’’قائداعظم زندہ باد‘‘ ریلیز سے قبل ہی بلاک بسٹر قرار

ویب ڈیسک  اتوار 16 فروری 2020
فہد اور ماہرہ کے مداح فلم کی شوٹنگ ختم ہونے کا سن کر نہ صرف پرجوش ہیں بلکہ فلم کی ریلیز کا بے صبری سے انتظار کررہے ہیں فوٹوفائل

فہد اور ماہرہ کے مداح فلم کی شوٹنگ ختم ہونے کا سن کر نہ صرف پرجوش ہیں بلکہ فلم کی ریلیز کا بے صبری سے انتظار کررہے ہیں فوٹوفائل

کراچی: ماہرہ خان اور فہد مصطفیٰ کی فلم ’’قائداعظم زندہ باد‘‘ رواں برس کی بڑی فلموں میں سے ایک قرار دی جارہی ہے اور لوگ اس فلم کا اتنی بے چینی سے انتظار کررہے ہیں کہ اسے ریلیز سے قبل ہی بلاک بسٹر قرار دے دیا۔

فہد مصطفیٰ اورماہرہ خان کا شمار پاکستان کے صف اول کے اداکاروں میں ہوتا ہے دونوں کئی کامیاب فلموں میں کام کرچکے ہیں لیکن دلچسپ بات یہ ہے کہ دونوں نے ایک ساتھ کسی فلم میں کام نہیں کیا لہذا جب فلم’’قائد اعظم زندہ باد‘‘کا اعلان کیا گیا تو لوگ بے تابی سے اس فلم کا انتظار کرنے لگے۔

یہ بھی پڑھیں: ماہرہ خان نے فہد مصطفیٰ کو ’’ہاں‘‘کردی

https://twitter.com/TheMahiraKhan/status/1228643871661400066

گزشتہ روز ماہرہ خان اور فہد مصطفیٰ نے سماجی رابطے کی ویب سائٹ پر بتایا کہ مسلسل 3 ماہ کی شوٹنگ کے بعد بالآخر شوٹنگ کا اختتام ہوا۔ اس کے ساتھ ہی جہاں ماہرہ خان نے فلم کے ایک سین کی تصویر شیئر کی وہیں فہد مصطفیٰ نے ہدایت کارنبیل قریشی کے ساتھ اپنی ایک تصویر شیئر کی جس میں وہ تھکے ہوئے نظر آرہے ہیں۔ فہد مصطفیٰ نے بتایا کہ مسلسل 3 مہینے تک شوٹنگ کرنے کے بعد ہماری حالت ایسی ہوگئی ہے۔

https://twitter.com/fahadmustafa26/status/1228636295964119040

یہ بھی پڑھیں: 2020 میں پاکستانی سینما میں کونسی فلموں کا میلہ سجے گا؟

فہد مصطفیٰ اور ماہرہ خان کے مداح فلم کی شوٹنگ ختم ہونے کا سن کر نہ صرف پرجوش ہیں بلکہ فلم کی ریلیز کا بے صبری سے انتظار کررہے ہیں۔ اریبہ نامی خاتون نے لکھا سال کی سب سے بڑی فلم کی شوٹنگ اپنے اختتام کو پہنچی۔ میں اپنی خوشی اور بے چینی کو لفظوں میں بیان نہیں کرسکتی۔ یہ فلم بلاک بسٹر ثابت ہوگی انشااللہ اس کے ساتھ ہی اریبہ نے فلم کے لیے نیک تمناؤں کا اظہار کیا۔

https://twitter.com/Areebafahadian/status/1228364895894327297

سویرا نامی خاتون نے بھی فہد مصطفیٰ اورماہرہ خان کی تصویر شیئر کی اور لکھا ایک اور بلاک بسٹر کا بے صبری سے انتظار ہے۔

https://twitter.com/Sawera_Nazeer/status/1228361147893633028

واضح رہے کہ فلم’’قائداعظم زندہ باد‘‘میں فہد مصطفیٰ پہلی بار ایک پولیس انسپیکٹر کا کردار نبھارہے ہیں فلم کو پاکستان کے کامیاب ترین ہدایت کار نبیل قریشی اور فضاعلی مرزا ڈائریکٹ اور پروڈیوس کررہے ہیں جب کہ یہ فلم’’فلم والا پکچر‘‘کے بینر تلے ریلیز کی جائے گی۔ فلم کی ریلیز کی تاریخ کے حوالے سے فی الحال تفصیلات منظر عام پر نہیں آئی ہیں تاہم کہا جارہا ہے کہ یہ فلم رواں سال عید الفطر یا عیدالاضحیٰ کے موقع پر ریلیز کی جائے گی۔

https://twitter.com/lqk2c/status/1228346817869471744

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔