- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
ایس ایس پی مفخر عدیل کے بعد اس کا ذاتی ملازم بھی لاپتہ
لاہور: شہباز تتلہ کیس میں ایس ایس پی مفخر عدیل کے بعد ایک اور کردار لاپتہ ہو گیا جبکہ ایس ایس پی مفخر عدیل کی کہانی حقیقت کا روپ دھارنے لگی۔
پولیس ذرائع کے مطابق تیزاب اور قتل کے دیگر آلات ڈرامہ شوٹ کرنے کا کہہ کر منگوائے گئے، اسد بھٹی اور مفرور ایس ایس پی کے دوستوں نے نئے انکشافات کردیے تفتیش کاروں نے ایس ایس پی مفخر عدیل کے ذاتی ملازم عرفان کی بھی تلاش شروع کر دی۔
لاہور میں مبینہ طور پر لاپتہ ہونے والے شہباز تتلہ اور ایس ایس پی مفخر عدیل کیس کی گتھیاں سلجھنے کے بجائے الجھتی جا رہی ہیں، تاحال کوئی سرا پولیس کے ہاتھ نہیں لگ سکا۔ پولیس ذرائع کے مطابق تفتیش میں انکشاف کیا گیا کہ مفخرعدیل نے کوئی ڈرامہ لکھا جس کی شوٹ کے لیے گھر تیزاب منگوایا، تیزاب لانے کی ذمہ داری اہلیہ کے ملازم عرفان کو دی گئی۔
جو قسطوں میں تیزاب کی گیلنز لاتا رہا، دھول اڑانے کے لیے مٹی بھی ڈرامہ شوٹ کے لیے منگوائی گئی۔ ابتک کی تفتیش سے ظاہر ہوتا ہے کہ شہباز تتلہ کے مبینہ قتل کی باقاعدہ پلاننگ کی گئی اور سکرپٹ کے مطابق قتل کر کے نعش روہی نالے میں بہا دی گئی، اصل حقائق شہباز تتلہ کی لاش اور ایس ایس پی مفخر عدیل کے ملنے سے ہی سامنے آ سکیں گے۔
یہ بات بھی سامنے آئی ہے کہ لاپتہ ہونے سے قبل مفخر عدیل نے تین بار اپنی لوکیشن بدلی۔ان کی لوکیشن پہلے گھر نواب ٹاون سے فیصل ٹاون پھر روہی نالہ اور پھر فیصل ٹاون آئی۔ تفتیشی اداروں نے مفخر عدیل کے ذاتی ملازم عرفان کی تلاش بھی شروع کردی ہے.
مفخر عدیل کے لاپتہ ہوتے ہی عرفان بھی منظر سے غائب ہو گیا تھا، خدشہ ہے کہ وہ بھی ایس ایس پی کے ساتھ ہی فرار ہوا ہے، پولیس کو شک ہے کہ عرفان کے پاس شہباز اور مفخر کے لاپتہ کیس میں اہم معلومات ہیں، جس کے ملنے سے کیس میں اہم پیش رفت ہو سکے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔