زرمبادلہ کے سرکاری ذخائر میں 3 کروڑ 20 لاکھ ڈالر کا اضافہ

ملکی زرمبادلہ کے مجموعی ذخائر کی مالیت 18 ارب 90 کروڑ 46 لاکھ ڈالر ریکارڈ کی گئی، اسٹیٹ بینک۔ فوٹو : فائل

---

زرمبادلہ کے سرکاری ذخائر اضافے کے بعد 12 ارب 78 کروڑ 99 لاکھ کی سطح پر آگئے۔

اسٹیٹ بینک آف پاکستان کی جانب جاری اعداد و شمار کے مطابق زرمبادلہ کے سرکاری ذخائر میں 3 کروڑ 20 لاکھ ڈالر کا اضافہ ہوا ہے اور 6 مارچ کو زرمبادلہ کے سرکاری ذخائر 12 ارب 78 کروڑ 99 لاکھ ڈالر کی سطح پر آگئے۔

اعداد و شمار کے مطابق کمرشل بینکوں کے پاس 6 ارب 11 کروڑ 47 لاکھ ڈالر کے ذخائر موجود ہیں، اور ملکی زرمبادلہ کے مجموعی ذخائر کی مالیت 18 ارب 90 کروڑ 46 لاکھ ڈالر ریکارڈ کی گئی۔