اٹلی میں کورونا وائرس لاک ڈاؤن کے دوران شہریوں نے بوریت کا دلچسپ حل نکال لیا

روم: چین کے بعد کورونا وائرس سے سب سے زیادہ متاثر ہونے والے ملک اٹلی میں مکمل لاک ڈاؤن سے اکتائے شہریوں نے اپنے جذبوں اور ہمت کو برقرار رکھنے کے لیے دلچسپ حل ڈھونڈ نکالا۔

عالمی خبر رساں ادارے کے مطابق اٹلی میں اکثریتی علاقوں میں عملاً مکمل لاک ڈاؤن ہے جس کے باعث لاکھوں شہری گھروں میں قید ہوگئے ہیں۔عبادت گاہیں، تعلیمی ادارے، تجارتی مراکز اور کھیلوں کی سرگرمیاں بند ہیں۔

Sicily has figured out this whole self-isolation thing.#COVID19 #CoronavirusPandemic pic.twitter.com/93whPVtQcR

— John Nichols (@NicholsUprising) March 13, 2020

آباد علاقے سنسان اور ویران ہوگئے ہیں اور ہر طرف خوف کا راج ہے ایسے میں سب سے زیادہ ضرورت مثبت سوچ کو برقرار رکھنا اور جذبوں کو جلا بخشتے رہنا ہے جس کے لیے شہریوں نے اپنے گھروں کی بالکونی، کھڑکیوں اور دروازوں پر کھڑے ہو کر قومی نغمے گانا شروع کردیئے ہیں۔

Italians in lockdown all over Italy are keeping each other company by singing, dancing and playing music from the balconies. A thread to celebrate the resilience of ordinary people. This is Salerno: pic.twitter.com/3aOchqdEpn

— Leonardo Carella (@leonardocarella) March 13, 2020

سوشل میڈیا پر وائرل ہونے والی ویڈیوز میں دیکھا جا سکتا ہے کہ رہائشی عمارت کے ہر فلیٹ کی بالکونی اور کھڑکیوں سے ہمت افزا چہرے ٹھیک چھ بجے باہر جھانکتے ہیں اور کورس کی صورت نغمے گاتے ہیں، آلہ موسیقی پر دھنیں چھیڑتے ہیں اور رقص کرتے ہیں۔

شہریوں کا کہنا ہے کہ اس طرح وہ اپنے اندر چھپے خوف کو خود پر حاوی ہونے اور جذبوں کو ماند نہیں پڑنے دیتے۔ اس سرگرمی سے انہیں طاقت ملتی ہے اور وہ ہمت جواں رہتی ہے جو اس بیماری کا مقابلہ کرنے کے لیے سب سے ضروری ہے۔