- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
تعلیمی اداروں کی بندش، جامعات کے پاس نصاب کی تکمیل کیلیے حکمت عملی موجود نہیں
کراچی: سندھ میں کورونا وائرس کے سبب تعلیمی ادارے کی بندش اوراس کی مدت میں کسی ممکنہ اضافے کی صورت میں صوبے کی سرکاری ونجی جامعات پلان’’بی‘‘کی جانب بڑھنا شروع ہوگئی ہیں تاہم اس سلسلے میں اکثرجامعات اپنی کثیرانرولمنٹ اور آئی ٹی کے کمزوروپرانے انفرااسٹرکچرکے سبب آن لائن کلاسز کااجرا نہیں کرسکیں گی جبکہ اساتذہ کی جدیدآئی ٹی انفرااسٹرکچر سے عدم واقفیت بھی آن لائن کلاسز کے آڑے آرہی ہے جس کے بعدبیشترجامعات نے ہفتہ وارتعطیلات ختم اوراضافی کلاسز کے انعقاد کافیصلہ کیاہے جبکہ آئی بی اے کراچی نے اس سلسلے میں ’’مائیکروسوفٹ ٹیم‘‘کے ذریعے پیرسے آن لائن کلاسز شروع کرنے کااصولی فیصلہ کیا ہے۔
آئی بی اے کراچی کے حوالے سے ذرائع کاکہناہے کہ اس بات کی یقین دہانی کون کرائے گاکہ جب آئی بی اے اساتذہ مائیکروسوفٹ ٹیم کے ذریعے آن لائن لیکچرردیں گے توطلبا کوبھی گھربیٹھے انٹرنیٹ کی سہولت موجودہوگی اورکون انھیں پابند کرے گاکہ وہ آن لائن لیکچرکے ذریعے کلاسز میں شریک ہوں ،آئی بی اے کراچی کے آفیشل ذرائع نے ’’ایکسپریس‘‘کوبتایاکہ جمعرات تک دوروزمیں ’’اکیڈمک لیڈرشپ ٹیم‘‘(ALT)نے آن لائن کلاسز سمیت متبادل طریقہ کار سے کلاسز کے انعقاد پر تفصیلی بات چیت کی ہے اوراب آئی بی اے کراچی کے اکیڈمک بورڈ کے اراکین نے بھی مائیکروسوفٹ ٹیم کے ذریعے آن لائن کلاسز پر بات چیت کی ہے۔
امکان ہے کہ پیرسے آئی بی اے کراچی مائکروسوفٹ ٹیم کے ذریعے آن لائن کلاسز شروع کردے ،یادرہے کہ سندھ کی 90 فیصدسے زائد سرکاری جامعات اوربیشترنجی جامعات میں تعلیمی سیشن 2020 حال ہی میں شروع ہواہے اوراس کے آغاز کے تقریباً 2ماہ کے اندرہی کورونا وائرس کے سبب تعطیلات کردی گئی ہیں ’’ایکسپریس‘‘نے اس سلسلے میں کراچی میں میڈیکل ،انجینیئرنگ،بزنس کی تعلیم دینے کے ساتھ ساتھ جنرل یونیورسٹیزسے ان کاپلان بی جاننے کے لیے رابطہ کیاجس پر بیشترپبلک سیکٹرجامعات نے غیرمعمولی اورزیادہ انرولمنٹ کے سبب آن لائن لیکچررکے ذریعے نصاب کی تکمیل کا ناممکن قراردیا۔
’’ایکسپریس‘‘نے رواں تعطیلات اوراس میں کسی بھی قسم کے اضافے کی صورت میں جامعہ کراچی کی انتظامیہ کاپلان بھی جاننے کی کوشش کی توجامعہ کراچی کے وائس چانسلر پروفیسر ڈاکٹر خالد عراقی کا کہنا تھا کہ ان ہزاروں طلبہ کے لیے تمام شعبہ جات آن لائن کلاسز کاانعقاد کرائیں نہ ہی جامعہ کراچی کے پاس اتنا بڑا انفرااسٹرکچر ہے جوان 45ہزارطلبہ کے تدریسی لیکچررآن لائن دے سکے ڈاکٹرعراقی کاکہناتھاکہ ہمارے پاس دوطرح کہ تجاویز ہیں ایک یہ کہ تعطیلات کے بعد جامعہ کھلنے یاپھرچھٹیوں میں مزیدکسی توسیع کے بعد یونیورسٹی دوبارہ کھلنے کی صورت میں حکومت ہمیں ہفتہ وار تعطیلات میں یونیورسٹی کھولنے کی اجازت دے جس کے بعد ہم ہفتہ اور اتوار کو بھی اضافہ کلاسز کا انعقاد کر کے تدریسی عمل کوبروقت پوراکرسکیںدوسری جانب ہم خود اس بات پر غورکررہے ہیں کہ ہم طلبہ کے تدریسی اوقات میں اضافہ کردیں ،طب کی تعلیم کے حوالے سے معروف کراچی کی دوسری بڑی یونیورسٹی جناح سندھ میڈیکل یونیورسٹی کی انتظامیہ سے جب اس معاملے پر رابطہ کیاگیاتوجناح وائس چانسلر پروفیسر ڈاکٹرطارق رفیع کاکہناتھاکہ ہمارے پاس ایم بی بی ایس اوربی ڈی ایس میں تقریباً2ہزارکے قریب طلبا انرولڈ ہیں۔
آن لائن کلاسز کا کوئی انفرااسٹرکچرموجود نہیں ،این ای ڈی یونیورسٹی آف انجینیئرنگ اینڈ ٹیکنالوجی کے وائس چانسلر پروفیسرڈاکٹرسروش لودھی کاکہناتھاکہ ہمارے پاس ایک بڑی ’’اسٹوڈنٹ باڈی‘‘ ہے 10 ہزار سے زائد طلبا ہیں ہمارے لیے آن لائن کلاسز ممکن نہیں ہے یونیورسٹی کے اکیڈمک کلینڈرمیں رمضان کے 10 روزبعد تک طلبا کی تعطیلات تھی جوختم کردیں گے اور سرکاری تعطیلات کے ختم ہونے کے ساتھ ہی یونیورسٹی کھول دیں گے شہید ذواالفقارعلی بھٹوانسٹی ٹیوٹ آف سائنس اینڈ ٹیکنالوجی (زیبسٹ) کے نائب صدر ارشد سلیم کاکہناتھاکہ اگرحکومت سندھ تعطیلات میں توسیع دیتی ہے توایسی صورت میں ہمارے پاس آن لائن کلاسز شروع کرنے کاانتظام موجودہے ہمارے پاس یہ سہولت بہترانداز میں موجود ہے ،اقرایونیورسٹی کے وائس چانسلرڈاکٹروسیم قاضی نے بتایاکہ اقراء یونیورسٹی کے پاس آن لائن کلاسز کے لیے صلاحیتcapacity موجودہے ہمارے پاس تربیت یافتہ اساتذہ موجودہیں کیونکہ ہم ورچوئل یاآن لائن کی پہلے ہی تیاری کررہے تھے ہمارااپناآن لائن ڈیٹا سینٹرہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔