حرا مانی کا ڈاکٹرز، پیرا میڈکس سمیت پولیس ورینجرزکوسلام

 کراچی: اداکارہ حرا مانی نے کورونا وائرس سے بچاؤ کی کوشش کرنے والے ڈاکٹرز، پیرا میڈکس سمیت پولیس ورینجرزکوسیلیوٹ کیا ہے۔

ڈارمہ اسٹارحرا مانی نے اپنے انسٹاگرام اکاؤنٹ پرایک پوسٹ شیئرکی، جس میں انہوں نے کہا کہ وہ تہہ دل سے سلام کرتی ہیں تمام ڈاکٹرز، پیرا میڈکس، پولیس و رینجرزاور عوام کو بھی جواس مشکل وقت میں ہمارے لیے ایک پاؤں پر کھڑے ہیں۔

اس سے قبل بھی اداکارہ نے کورونا وائرس سے بچاؤ سے متعلق اپنے شوہرکے ساتھ ایک تصویرشیئر کی تھی جس میں وہ مداحوں کی جانب سے خود ہی تنقید کا نشانہ بن گئی تھیں کیونکہ شیئر کرائی گئی تصویر میں حرا اور مانی دونوں ہی بہت قریب تھے جب کہ وہ اپنی پوسٹ کے ذریعے سب کوگھرپررہنے اورقرنطینہ ہونے کی تلقین کررہی تھیں۔