- لانگ مارچ، توڑپھوڑ کیسز میں عمران خان کی بریت کی درخواست پر فیصلہ محفوظ
- پارک لین ریفرنس سماعت؛ آصف زرداری کو اب صدارتی استثنیٰ حاصل ہے، وکلا
- انسداد انتہا پسندی؛ پولیس نے 462 سوشل میڈیا اکاؤنٹس بند کروا دیے
- خواتین کے حقوق کا بہانہ؛ آسٹریلیا کا افغانستان سے سیریز کھیلنے سے انکار
- کراچی؛ ایل پی جی کی دکان پر افطار کے وقت ڈکیتی، فوٹیج سامنے آ گئی
- پی ٹی آئی کا اسلام آباد میں جلسے کیلیے ہائیکورٹ سے رجوع
- پاک فوج میں بھرتی کیپٹن سمیت افغان شہریوں کو برطرف کیا گیا، وزیر دفاع
- الشفا اسپتال پر اسرائیلی حملے میں غزہ کے پولیس چیف شہید
- حماس سے لڑائی میں ایک اور اسرائیلی فوجی ہلاک؛ مجموعی تعداد 250 ہوگئی
- پی ایس ایل9 فائنل؛ عماد وسیم نے کیا تاریخ رقم کی؟
- پی ایس ایل9؛ شاداب نے اہلیہ کو ایوارڈ، ماں کو میڈل دے دیا
- 5 ہزار ایکڑ پر چارے کی کاشت، سعودی کمپنی سے معاہدہ
- بجلی 5روپے فی یونٹ مہنگی ہونے کا امکان
- ڈیجیٹل ذرائع سے قرض، ایس ای سی پی نے گائیڈ لائنز جاری کر دیں
- موبائل کی درآمدات میں 156 فیصد اضافہ
- ایچ بی ایف سی نے عوام کو سستے تعمیراتی قرضوں کی فراہمی بند کردی
- حسن اور حسین نواز کی بریت کی درخواستوں پر فیصلہ محفوظ
- مفت راشن اسکیم؛ عوام کی عزت نفس کا بھی خیال کیجیے
- مشفیق الرحیم، انجیلو میتھیوز کے ٹائم آؤٹ کا مذاق اڑانے لگے
- کراچی میں سی ٹی ڈی کی کارروائی، ٹی ٹی پی کا اہم دہشتگرد گرفتار
عابد علی کامیابیوں کا سفر جاری رکھنے کیلیے پْر امید
لاہور: عابد علی انٹرنیشنل کرکٹ میں کامیابیوں کا سفر جاری رکھنے کیلیے پْر امید ہیں،کورونا کی وجہ سے گھر تک محدود اوپنر نے آسٹریلیا کیخلاف ون ڈے ڈیبیو پر سنچری کی یادیں تازہ کرلیں۔
عابد علی نے 29 مارچ 2019 کو آسٹریلیا کیخلاف ون ڈے میچ میں انٹرنیشنل ڈیبیو کرتے ہوئے سنچری بنانے کا اعزاز حاصل کیا تھا، انھوں نے بعد ازاں دسمبر میں سری لنکا کیخلاف ٹیسٹ ڈیبیو کو بھی یادگار بناتے ہوئے تھری فیگر اننگز کھیلی، یوں اوپنر ون ڈے اور طویل فارمیٹ کی اولین اننگز میں سنچری بنانے والے دنیا کے واحد بیٹسمین بن گئے۔
نمائندہ ’’ایکسپریس‘‘ سے خصوصی گفتگو میں انھوں نے کہا کہ ون ڈے ڈیبیو کی سالگرہ پر آسٹریلیا کیخلاف سنچری کی یادیں تازہ ہوگئی ہیں، اس کے بعد ٹیسٹ کرکٹ میں بھی اللہ نے عزت دی،اس سفر میں ساتھ دینے والے منتظمین، کوچز، ساتھی کھلاڑیوں اور بھرپور سپورٹ کرنے والے پرستاروں کا شکریہ ادا کرتا ہوں، مستقبل میں بھی عمدہ کارکردگی دکھانے کیلیے پْرعزم ہوں،جس فارمیٹ میں بھی موقع ملا اپنا انتخاب درست ثابت کرنے کی کوشش کروں گا۔
ایک سوال پر انھوں نے کہا کہ ملک میں سری لنکا اور بنگلہ دیشی ٹیم کی آمد کے بعد پی ایس ایل کی رونقیں دیکھ کر بڑی خوشی ہوئی، کورونا وائرس کی وجہ سے لیگ مکمل نہ ہونے پر افسوس بھی ہوا لیکن عوام کی صحت و سلامتی سب سے اہم ہے، پوری امید ہے کہ پاکستانی قوم اس موذی وائرس کیخلاف جنگ میں سرخرو ہوگی، میں بھی حکومتی ہدایات پر عمل کرتے ہوئے اپنے گھر تک محدود اور ٹریننگ جاری رکھے ہوئے ہوں۔
انھوں نے کہا کہ میری عوام سے اپیل ہے کہ کسی اشد ضرورت کے بغیر باہر نہ نکلیں، سماجی فاصلہ برقرار رکھیں، ہاتھ بار بار دھوئیں، گھروں میں صفائی ستھرائی کا خاص خیال رکھیں،ہم سب مل کر اس مشن میں کامیاب ہوں گے،میں پْرامید ہوں کہ حالات معمول پر آئیں گے اور ایک بار پھر میدانوں کی رونقیں بحال ہوں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔