برطانیہ کا پاکستان کے لیے 26 لاکھ 70 ہزار پاؤنڈ کی امداد کا اعلان

یقین ہے کہ پاکستان کورونا جیسے مسئلے سے باہر نکلنے کی صلاحیت رکھتا ہے، برطانوی ہائی کمشنر۔ فوٹو:فائل

---

ISLAMABAD: برطانیہ کی جانب سے کورونا سے نمٹنے کے لیے پاکستان کے لیے 26 لاکھ 70 ہزار پاونڈ کی امداد کا اعلان کیا گیا ہے۔

پاکستان میں تعینات برطانوی ہائی کمشنر ڈاکٹر کرسچن ٹرنر نے اردو زبان میں ویڈیو بیان دیتے ہوئے کہا کہ اس وقت ایک غیر معمولی صورتحال ہے، اور پوری دنیا میں کروڑوں لوگ کورونا سے متاثر ہو چکے ہیں، اسی غیرمعمولی صورتحال کی وجہ سے ہم اپنے برتاؤ میں تبدیلی لا رہے ہیں۔

New 🇬🇧support for 🇵🇰 response to #Covid_19 - mushkil waqt mein dost hi hamara saath dehte hain pic.twitter.com/eB4R5skD4B

— Christian Turner (@CTurnerFCDO) April 18, 2020

پاکستان کے لئے امدادی رقم کا اعلان کرتے ہوئے برطانوی ہائی کمشنرکا کہنا تھا کہ مشکل وقت میں دوست ہی ہمارا ساتھ دیتے ہیں، سماجی فاصلے ہونے کے باوجود ہم اکٹھے ہیں، مجھے یقین ہے کہ پاکستان کورونا جیسے مسئلے سے باہر نکلنے کی صلاحیت رکھتا ہے، اور برطانیہ کی جانب سے مالی مدد سے پاکستان کو وائرس سے نمٹنے اور لوگوں کو بچانے میں مزید مدد ملے گی۔