- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
علیم خان کی ہاؤسنگ سوسائٹی سے متعلق کیس؛ چیئرمین سی ڈی اے سے رپورٹ طلب
اسلام آباد: وزیرخوراک پنجاب علیم خان کی نجی ہاؤسنگ سوسائٹی سے متعلق کیس میں اسلام آباد ہائی کورٹ نے چیئرمین سی ڈی اے سے 13 اگست تک تفصیلی رپورٹ طلب کرلی ہے۔
اسلام آباد ہائیکورٹ میں چیف جسٹس اطہرمن اللہ نے علیم خان کی نجی ہاؤسنگ سوسائٹی سے متعلق کیس کی سماعت ہوئی۔ سماعت کے دوران چیف جسٹس اطہرمن اللہ نے کہا کہ الزام ہے کہ ریاست کی زمین کو پرائیویٹ سوسائٹی کو استعمال کے لیے دیا گیا، نجی ہاؤسنگ سوسائٹی کے خلاف لوگوں کو بھی زبردستی بے دخل کرنے کا الزام ہے، بتائیں کہ ہاؤسنگ سوسائٹی کو فائدہ پہنچانے کے لیے ریاستی زمین پر سڑک بنانے کی اجازت کیوں دی گئی؟ پرائیویٹ سوسائٹی کے اکثریتی شیئرز کا مالک کون ہے؟ بتائیں کہ ہاؤسنگ سوسائٹی کو فائدہ پہنچانے کے لیے ریاستی زمین پرسڑک بنانے کی اجازت کیوں دی گئی؟۔
نجی سوسائٹی کے وکیل نے کہا کہ پارک ویوہاؤسنگ سوسائٹی کی اکثریتی شیئرہولڈرعلیم خان کی اہلیہ اور بیوی ہیں جس پرچیف جسٹس اطہر من اللہ نے استفسار کیا کہ یہ علیم خان کون ہیں؟ وکیل نے کہا کہ علیم خان پی ٹی آئی کے ایم پی اے اورصوبائی وزیر ہیں۔
چیف جسٹس نے کہا کہ علیم خان اتنے بااثرہیں کہ ریاست نے اپنی زمین پرائیویٹ سوسائٹی کواستعمال کے لیے دے دی؟ عدالت کیوں نا یہ معاملہ وفاقی کابینہ کوبھجوا دے؟ کیوں نا معاملے کی تحقیقات کے لیے انکوائری کمیشن کی تشکیل کے لیے لکھا جائے، اگر ایسا ہے تو پھرکمزوراورکھوکھے گرانے کی اجازت بھی نہیں دیں گے۔
نجی سوسائٹی کے وکیل نے کہا کہ سی ڈی اے نے صرف سڑک بنانے کی اجازت دی جوسوسائٹی نے بنائی جس پرچیئرمین سی ڈی اے نے اس عدالت کے سامنے خود اعتراف کیا کہ ایسا کرنا بورڈ کی غلطی کی تھی، سیشن جج کی رپورٹ پڑھیں کہ قبضہ مافیا کی وجہ سے کرائم ریٹ میں اضافہ ہوا، یہ عدالت آئے روز کہتی ہے کہ اسلام آباد میں قانون کی حکمرانی نہیں۔
عدالت نے کہا کہ علیم خان کی ہاوسنگ سوسائٹی کی متنازع جگہ زیراستعمال نہ لانے پر حکم امتناع برقرار رہے گا اورزمین مالکان کو تحفظ فراہمی کے لیے آئی جی اسلام آباد اور چیف کمشنراقدامات اٹھائیں۔ عدالت نے اسلام آباد ہائی کورٹ نے چیئرمین سی ڈی اے سے 13 اگست تک تفصیلی رپورٹ طلب کرلی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔