- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
پی سی بی عمر اکمل کیس پر لاکھوں روپے پھونکے گا
کراچی: پی سی بی عمر اکمل کیس پر لاکھوں روپے پھونکے گا جب کہ ڈومیسٹک کیس کو عالمی سطح پر لے جانے کے فیصلے پر حیرت بھی ظاہر کی جا رہی ہے۔
پی ایس ایل5 شروع ہونے سے قبل عمر اکمل کو اینٹی کرپشن کوڈ کی خلاف ورزی پر معطل کر دیا گیا تھا،کرپشن کی پیشکشوں کے حوالے سے رپورٹ نہ کرنے پر پی سی بی کی ڈسپلنری کمیٹی کے سربراہ جسٹس ریٹائرڈ فضل میران چوہان نے اپریل میں ان پر تین سالہ پابندی عائد کر دی تھی، مئی میں انھوں نے فیصلے کیخلاف اپیل دائر کر دی، جولائی میں جسٹس ریٹائرڈ فقیر محمد کھوکھر نے سزا آدھی کر دی۔
ذرائع کے مطابق پی سی بی نے بطور غیرجانبدار ایڈجوڈیکیٹر9 ریٹائرڈ ججز کی خدمات حاصل کی ہوئی ہیں،ان میں سے ایک سپریم کورٹ اور8 ہائی کورٹ کے ریٹائرڈ ججز ہیں، نومینیشن کمیٹی ان کا تقرر کرتی اور بورڈ باقاعدہ لیٹر بھی جاری کرتا ہے، انھیں فی کیس 2 لاکھ روپے دیے جاتے ہیں۔ کسی اپیل کے وقت دونوں پارٹیز ایک، ایک لاکھ روپے جمع کراتی ہیں۔
دلچسپ بات یہ ہے کہ پی سی بی کی ڈسپلنری کمیٹی کے سربراہ نے عمر اکمل پر پابندی لگائی، پھر بورڈ ہی کے غیرجانبدار ایڈجوڈیکیٹر نے سزا آدھی کر دی،اب پی سی بی ہی فیصلے کو سوئٹرز لینڈ میں کھیلوں کی ثالثی عدالت میں چیلنج کرے گا۔
ذرائع نے مزید بتایا کہ اس کیس پر پی سی بی کے کم از کم50 لاکھ روپے خرچ ہوں گے، یہ رقم اس سے دگنی بھی ہو سکتی ہے، کیس کی پیروی کیلیے کسی غیرملکی قانونی فرم سے رابطہ کیا جائے گا۔
ڈومیسٹک معاملے کو عالمی سطح پر لے جانے کے فیصلے پر حیرت بھی ظاہر کی جا رہی ہے، ابھی یہ معلوم نہیں ہو سکا کہ عمر اکمل اس حوالے سے کیا لائحہ عمل اختیار کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔