کراچی میں بارش سے موسم خوش گوار

ویب ڈیسک  بدھ 12 اگست 2020
ٹھنڈی ہوائیں چلنے سے گرمی میں بھی کمی ہوئی فوٹو:فائل

ٹھنڈی ہوائیں چلنے سے گرمی میں بھی کمی ہوئی فوٹو:فائل

کراچی میں باران رحمت کا سلسلہ جاری ہے اور آج بارش سے موسم میں ٹھنڈک پیدا ہوگئی۔

شہر میں صبح سے ہی بادلوں نے ڈیرے ڈالے رکھے۔ گلشن اقبال، ماڈل کالونی سمیت کراچی کے مختلف علاقوں میں کہیں بوندا باندی اور ہلکی بارش سے موسم سہانا ہوگیا۔

بارش کے ساتھ ٹھنڈی ہوائیں چلنے سے گرمی میں بھی کمی ہوئی۔ شام کے وقت شہر کا درجہ حرارت 31 ڈگری سنٹی گریڈ ریکارڈ کیا گیا، ہوا میں نمی کا تناسب 74 فیصد ہے اور ہواؤں کی رفتار 24 کلومیٹر فی گھنٹہ ہے۔

محکمہ موسمیات کے مطابق کراچی میں زیادہ سے زیادہ درجہ حرارت 32 ڈگری اور کم سے کم 28 ڈگری ریکارڈ کیا گیا۔ محکمہ موسمیات نے کل بھی شہر میں بارش کی پیش گوئی کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔