قومی ٹیم انگلینڈ کیخلاف ٹی ٹوئنٹی سیریز اپنے نام کرسکتی تھی، کامران اکمل

اسپورٹس رپورٹر  جمعرات 3 ستمبر 2020
فہیم اشرف، عامر یامین اور عماد بٹ میں سے کسی کو آزمانا چاہیے، کامران اکمل

فہیم اشرف، عامر یامین اور عماد بٹ میں سے کسی کو آزمانا چاہیے، کامران اکمل

ٹیسٹ کرکٹر کامران اکمل کا کہنا ہے کہ رضوان یا سرفراز میں سے جس کو بھی کھلانا ہے اس سے اننگز کا آغاز کرنا چاہیے۔

لاہور میں میڈیا سے بات کرتے ہوئے وکٹ کیپر بلے باز نے کہا کہ ٹی ٹوئنٹی سیریز برابر کرنا اچھی بات ہے لیکن ہمیں یہ سیریز اپنے نام کرسکتے تھے، وہاب ریاض نے زبردست بولنگ کرکے اپنی افادیت ثابت کی جب کہ محمد حفیظ نے ثابت کردکھایا کہ تجربے کا کوئی نعم البدل نہیں، نوجوانوں کے ساتھ سینئرز کرکٹرز ٹیم کاحصہ ہونے سے جونیئرز کو بھی بہت کچھ سیکھنے کا موقع ملتا ہے۔

کامران اکمل کا کہنا ہے کہ رضوان یا سرفراز میں سے جس کو بھی کھلانا ہے اس سے اننگز کا آغاز کرنا چاہیے اور مڈل آرڈر میں فہیم اشرف، عامر یامین، عماد  بٹ میں سے کسی کو آزمانا چاہیے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔