کرن جوہر ڈرگ پارٹی منعقد کروانے پرمشکل میں پھنس گئے

کرن جوہر کی ڈرگس پارٹی میں دپیکا، رنبیر، ارجن، شاہد اور ملائیکا اروڑا نشے کی حالت میں تھے، درخواست گزار۔ فوٹو: فائل

---

بالی ووڈ کے معروف فلمساز کرن جوہر ڈرگس پارٹی منعقد کروانے پر مشکل میں پھنس گئے ہیں۔

دہلی قانون ساز اسمبلی کے سابقہ رکن منجندر سنگھ سرسا نے نارکوٹس کنٹرول بیورو(این سی بی) میں ہدایت کار کرن جوہر، ادکارہ دپیکا پڈوکون، ملائیکہ اروڑا، اداکار شاہد کپور، ارجن کپور، رنبیر کپور سمیت کئی فلمی ستاروں کے خلاف درخواست دی ہے۔ جس میں انہوں نے موقف اختیار کیا کہ کرن جوہر نے گزشتہ سال اکتوبر میں اپنے گھر میں ڈرگس پارٹی منعقد کی تھی جس میں تمام بالی ووڈ اداکار نشے کی حالت میں تھے۔

#UDTABollywood - Fiction Vs Reality

Watch how the high and mighty of Bollywood proudly flaunt their drugged state!!

I raise my voice against #DrugAbuse by these stars. RT if you too feel disgusted @shahidkapoor @deepikapadukone @arjunk26 @Varun_dvn @karanjohar @vickykaushal09 pic.twitter.com/aBiRxwgQx9

— Manjinder Singh Sirsa (@mssirsa) July 30, 2019

منجندر سنگھ سرسا نے یہ بھی کہا کہ ڈرگس پارٹی کی تمام ویڈیو خود کرن جوہر نے اپنے انسٹا گرام اکاونٹ پر شیئر بھی کی تھی جس میں بہت سے اداکارنشے کی حالت میں نظر آرہے ہیں، لہذا اس تمام معاملے کی باریک بیتی سے تحقیقات کی جائے۔

I met Sh. Rakesh Asthana, Chief of @narcoticsbureau at BSF head quarter, Delhi regarding submission of complaint for investigation & action against film Producer @karanjohar & others for organizing drug party at his residence in Mumbai
That party video must be investigated into! pic.twitter.com/QCK2GalUQq

— Manjinder Singh Sirsa (@mssirsa) September 15, 2020

سرسا کی جانب سے بالی ووڈ شخصیات کے خلاف تحقیقات کا مطالبہ عین اس وقت سامنے آیا جب اداکار سوشانتھ سنگھ راجپوت کے قتل میں ملوث گرفتار ریہاچکربرتی نے الزام عائد کیا تھا کہ سیف علی خان کی بیٹی سارہ علی خان اوررکول پریت سنگھ سمون خمبتا بھی مرحوم اداکار سوشانتھ کے ساتھ منشیات کا استعمال کرتی تھیں۔

واضح رہے کہ ریہا چکربرتی کے بیان کے بعد سے این سی بی سوشانتھ سنگھ کی موت کے شبے میں اب تک 20 سے زائد منشیات فروشوں کو گرفتار کر چکی ہے۔