ابھی صرف ملاقاتوں کا ذکر کیا ہے فون ڈیٹا لیک کیا تو قیامت آجائے گی، شیخ رشید

ویب ڈیسک  جمعـء 25 ستمبر 2020
کرپشن سے جو گند پھیلا ہے اسے وزیراعظم عمران خان ختم کریں گے، وزیر ریلوے . فوٹو : فائل

کرپشن سے جو گند پھیلا ہے اسے وزیراعظم عمران خان ختم کریں گے، وزیر ریلوے . فوٹو : فائل

وزیر ریلوے شیخ رشید نے کہا ہے کہ ابھی تو ملاقاتوں کا ذکر کیا ہے ان کا فون کا ڈیٹا لیک کیا تو قیامت آجائے گی۔

وزیر ریلوے شیخ رشید نے لاہور میں میڈیا سے گفتگو میں اپوزیشن کو ایک اور وارننگ دیتے ہوئے کہا ہے کہ ابھی صرف ملاقاتوں کا ذکر کیا، ان کا فون ڈیٹا لیک کیا تو قیا مت آجائے گی۔

اس خبر کو بھی پڑھیں :مولانا سے لیکر بلاول تک سب اپوزیشن رہنما آرمی چیف سے اکیلے ملاقات کرتے ہیں، شیخ رشید

انہوں نے کہا کہ نوازشریف کی تقریر جندال کی تقریر تھی، مریم نواز نے پہلے بھی نواز شریف کو مروایا اور اب بھی مروائیں گی، دھرنا ہو گا نہ استعفے ہوں گے، یہ لوگ کسی کے خلاف تحریک عدم اعتماد بھی نہیں لائیں گے۔

یہ بھی پڑھیں :عسکری قیادت سے (ن) لیگ کی 2 ماہ کےدوران دو ملاقاتیں ہوئیں، شیخ رشید

وزیر ریلوے نے کہا کہ کرپشن سے جو گند پھیلا ہے اسے وزیراعظم عمران خان ختم کریں گے۔ انہوں نے مہنگائی بڑھنے کا اعتراف بھی کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔