رواں مالی سال نجکاری سے 100ارب روپے حاصل کرلیں گے، میاں محمد سومرو

 اسلام آباد: وفاقی وزیر نج کاری محمد میاں سومرو نے کہا ہے کہ وفاقی حکومت رواں مالی سال کے دوران سرکاری املاک کی نجکاری سے 100 ارب روپے کا ہدف حاصل کر لے گی.

میڈیا سے گفتگو کرتے ہوئے انہوں نے کہا کہ کرونا کے باعث ہدف کے حصول میں تاخیر ہورہی ہے.اسٹیٹ لائف انشورنس کارپوریشن کی نجکاری کا عمل شروع ہوا ہے جب کہ پیسکو اور حیسکو پاور ڈسٹری بیوشن کمپنیوں کی ابتدائی سٹڈی جاری ہے۔

وفاقی وزیر نجکاری محمد میاں سومرو کا کہنا ہے کہ موجودہ سیاسی صورت حال سے حکومت کا معاشی ایجنڈہ متاثر نہیں ہوگا۔اپوزیشن کی کسی تحریک سے حکومت کو کوئی خطرہ نہیں۔موجودہ حکومت نہ صرف اپنی 5 سالہ مدت پوری کرے گی بلکہ اگلے 5سال کے لئے بھی حکومت بنائے گی.

محمد میاں سومرواپوزیشن کو دیوار سے لگانا ہمارے ایجنڈے میں شامل نہیں.حکومت اپوزیشن کے ساتھ بات چیت کے لئے ہمیشہ تیار ہے اس میں کوئی شبہ نہیں ہونا چاہیے.