ٹرمپ کی بات پر جو بائیڈن کا ’ان شاءاللہ‘ کہنے کے سوشل میڈیا پر چرچے

سوشل میڈیا صارفین نے اس لمحے کو تاریخی قرار دیا، فوٹو : فائل

---

امریکا میں صدارتی انتخابات نومبر میں ہونے والے ہیں اور اس وقت انتخابی مہم زوروں پر ہے، صدارتی امیدواروں ٹرمپ اور جو بائیڈن کے درمیان مباحثے میں جہاں ایک دوسرے پر رکیک حملے کیے وہیں جو بائیڈن نے لفظ 'ان شاءاللہ' ادا کیا جس کی ویڈیو سوشل میڈیا پر وائرل ہوگئی۔

سماجی رابطے کی ویب سائٹ ٹویٹر پر امریکی صدارتی امیدوار موجودہ صدر ٹرمپ اور جوبائیڈن کے درمیان مباحثے کی ایک ویڈیو وائرل ہوئی ہے جس میں ڈیموکریٹک کے امیدوار جوبائیڈن نے عربی لفظ ان شاء اللہ ادا کیا جس کے معنی ہوتے ہیں اگر اللہ نے چاہا۔

Okay, for those of you wondering - did Joe Biden really drop an “inshallah” with the appropriate sarcastic usage?

Yes, he did. I confirmed with his campaign - that is indeed what the man said. https://t.co/MqseBsl2Ck

— Asma Khalid (@asmamk) September 30, 2020

ویڈیو میں دیکھا جا سکتا ہے کہ ٹیکس گوشوارے جمع کرانے کے حوالے سے پوچھے گئے سوال کے جواب میں صدر ٹرمپ اگر مگر سے کام لیتے ہوئے مبہم جواب دینے لگے کہ 'آپ یہ دیکھیں گے'' بار بار جواب دینے کے بجائے ٹرمپ یہی کہتے رہے تو مباحثے کے میزبان نے ٹائم لائن کی جانب توجہ دلائی۔

Well, we already had our first Muslim president, so clearly we're on a roll... 😏

— Shadi Hamid (@shadihamid) September 30, 2020

میزبان کی جانب سے ٹوکے جانے کے باوجود ٹرمپ ٹال مٹول سے کام لیتے رہے تو جوبائیڈن نے کہا کہ کب؟ ان شاءاللہ ؟ ایسا پہلی مرتبہ ہوا ہے کہ لائیو پروگرام میں کسی امریکی سیاست دان نے عربی الفاظ ادا کیے ہوں۔

یہ خبر پڑھیں : صدارتی امیدوار جو بائیڈن نے ٹی وی مباحثے میں ٹرمپ کو 'مسخرہ' کہہ دیا

ٹویٹر پر صارفین نے جو بائیڈن کے ان الفاظ کو تاریخی قرار دیا جب کہ امریکی صحافی اسما خالد نے کہا کہ میں تصدیق کرتی ہوں کہ جوبائیڈن نے ان شاءاللہ کہا اور وہ جانتے ہیں کہ یہ کب ادا کیا جاتا ہے۔

Not only did Biden say "Inshallah", he used it in the colloquial context meaning "not really" https://t.co/1h1Tba4QtZ

— Shahed Amanullah (@shahed) September 30, 2020