ایکسپریس فیملی فیسٹیول پر ٹریفک کا بہتر انتظام کیا جائے آئی جی

ایکسپو سینٹر میں21 اور 22 دسمبر کو فیسٹیول پر تحفظ کے اقدامات کیے جائیں.شاہد ندیم۔ فوٹو: فائل

---

آئی جی سندھ شاہد ندیم بلوچ نے پولیس کو ہدایات جاری کی ہیں کہ ایکسپریس میڈیا گروپ کی جانب سے ایکسپو سینٹر میں21 تا 22 دسمبر 2 روزہ فیملی فیسٹیول کے موقع پر سیکیورٹی کے غیر معمولی اقدامات کو یقینی بنایا جائے۔

آئی جی سندھ نے کہا ہے کہ ڈی آئی جی ایسٹ منیر احمد شیخ ایکسپو سینٹر میں منعقدہ فیملی فیسٹیول کے منتظمین سے مشاورت اور تجاویزکے تناظر میں نہ صرف سیکیورٹی بلکہ ٹریفک انتظامات کو بھی مربوط اور موثر بنائیں ۔



ایکسپو سینٹر کے اندرونی حصوں اور مرکزی گیٹس پر کڑی نگرانی جبکہ پارکنگ لاٹس میں سادہ لباس اہلکاروں کو خصوصی ذمے داریاں تفویض کرنے کے ساتھ ساتھ متعلقہ تھانے کی سطح پر گشت ، اسنیپ چیکنگ اور انٹیلی جنس کلیکشن کے لیے تمام ضروری اقدامات اٹھائے جائیں جبکہ بم ڈسپوزل اسکواڈ سے بھی سوئپنگ کے عمل کو یقینی بنایا جائے۔