- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
انفلوئنزا کی دوا بھی کورونا وائرس کے خلاف مفید ہوسکتی ہے، تحقیق
برسلز: بیلجیئم کے سائنسدانوں نے جانوروں پر تجربات سے دریافت کیا ہے کہ انفلوئنزا وائرس کا خاتمہ کرنے والی ایک دوا ’’فیوی پیراویر‘‘ (Favipiravir) اگر زیادہ مقدار میں دی جائے تو یہ ناول کورونا وائرس کو بھی ختم کرسکتی ہے۔
واضح رہے کہ انفلوئنزا، جسے عرفِ عام میں ’’فلو‘‘ اور ’’زکام‘‘ بھی کہا جاتا ہے، نظامِ تنفس یعنی ناک، حلق اور پھیپھڑوں کو متاثر کرنے والی بیماری ہے جو وائرس سے ہوتی ہے۔ فیوی پیراویر کو انفلوئنزا کی مؤثر دوا کے طور پر 2014 میں استعمال کےلیے منظور کیا گیا تھا اور آج یہ مختلف برانڈ نیمز کے تحت دستیاب ہے۔
اگرچہ ناول کورونا وائرس اور انفلوئنزا وائرس ایک دوسرے سے مختلف ہوتے ہیں مگر اپنے ہدف (ٹارگٹ) اور ساخت کے اعتبار سے دونوں میں خاصی مماثلت بھی پائی جاتی ہے۔ اسی بناء پر ماہرین کا خیال تھا کہ اگر کوئی دوا انفلوئنزا کے خلاف مؤثر ہے تو وہ ممکنہ طور پر ناول کورونا وائرس (SARS-CoV-2) کے خلاف بھی کارآمد ثابت ہوسکتی ہے۔
اسی سوچ کے تحت لیوون، بیلجیئم میں واقع کیتھولک یونیورسٹی لیوون کے ’’ریگا انسٹی ٹیوٹ فار میڈیکل ریسرچ‘‘ کے سائنسدانوں نے پہلے مرحلے پر فیوی پیراویر کو ناول کورونا وائرس سے متاثر کیے گئے جانوروں میں آزمانے کا فیصلہ کیا۔
اس مقصد کےلیے ’’شامی چوہوں‘‘ (Syrian hamsters) کا انتخاب کیا گیا کیونکہ ان کا اندرونی جسمانی نظام انسانوں سے خاصا ملتا جلتا ہے اور انسانوں کےلیے بنائی گئی دوائیں ان پر بھی تقریباً یکساں طور پر اثر انداز ہوتی ہیں۔
تحقیق سے معلوم ہوا کہ کم مقدار میں فیوی پیراویر دینے پر ان چوہوں میں کورونا وائرس کے اثرات میں کوئی افاقہ نہیں ہوا۔ البتہ، اس دوا کی زیادہ مقدار دینے پر ان میں ناول کورونا وائرس بھی ختم ہوگیا۔
چوہوں کے جسم میں ناول کورونا وائرس کا خاتمہ یہ دوا دینے کے پہلے ہی دن شروع ہوگیا تھا جبکہ چوتھے دن تک یہ وائرس مکمل طور پر ختم ہوچکا تھا۔
یہ تحقیق اس لحاظ سے اہم ہے کیونکہ مختلف ممالک میں ناول کورونا وائرس کے علاج میں فیوی پیراویر کی انسانی آزمائشوں کی تیاری مکمل ہوچکی ہے۔ ان نتائج کی روشنی میں ماہرین اب زیادہ بہتر انداز سے اپنی حکمتِ عملی وضع کرسکیں گے۔
مذکورہ تحقیق کی تفصیلات آن لائن ریسرچ جرنل ’’پروسیڈنگز آف دی نیشنل اکیڈمی آف سائنسز‘‘ کے تازہ شمارے میں شائع ہوئی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔