کراچی میں اگلے تین روز تک موسم گرم اور خشک رہنے کا امکان

مذکورہ وجوہات کے سبب گرمی کا پارہ زیادہ سے زیادہ  بلند ہوسکتا ہے، محکمہ موسمیات (فوٹو: فائل)

---

سمندری ہوائیں جزوی طور پر متاثر ہونے کے سبب اگلے 3 روز تک مطلع گرم اور خشک رہنے کا امکان ہے، آج (بدھ) کو پارہ 38 ڈگری تک بڑھ سکتا ہے۔

محکمہ موسمیات کے مطابق اگلے 3 روز کے دوران دوپہر کے وقت سمندری ہوائیں جزوی طور پر متاثر رہ سکتی ہیں، اس دوران شام کے وقت سمندر کی جنوب مغربی جبکہ دن کے وقت شمال مغربی اور مغربی سمت کی ہوائیں چل سکتی ہیں جب کہ مذکورہ وجوہات کے سبب گرمی کا زیادہ سے زیادہ پارہ بلند ہوسکتا ہے۔

محکمہ موسیات کے مطابق منگل کو زیادہ سے زیادہ درجہ حرارت 37 جبکہ کم سے کم 24.5 ڈگری ریکارڈ ہوا، نمی کا تناسب صبح کے وقت 70 جبکہ شام کو انتہائی کمی سے صرف 7 فیصد ریکارڈ ہوا، آج (بدھ) کو مطلع گرم اور خشک رہنے اور زیادہ سے زیادہ درجہ حرارت 38 ڈگری سینٹی گریڈ تک بڑھ سکتا ہے۔