- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
اپوزیشن بنارسی ٹھگوں کا ٹولا ہے، عوام کو ان ٹھگوں سے نجات دلائیں گے، وزیراطلاعات
اسلام آباد: وفاقی وزیراطلاعات سینیٹر شبلی فراز کا کہنا ہے کہ ملکی معیشت مسلسل بہتری کی طرف جارہی ہے اور مہنگائی پر قابو پانے کے لیے اقدامات کیے جارہے ہیں۔
اسلام آباد میں پریس کانفرنس کے دوران وزیراطلاعات سینیٹر شبلی فراز نے کہا کہ ملکی معیشت مسلسل بہتری کی طرف جارہی ہے، برآمدات میں بھی اضافہ ہواہے، مہنگائی پر قابو پانے کے لیے اقدامات کیے جارہے ہیں، وزیراعظم عمران خان بھی مہنگائی کے معاملے پر مطمئن نہیں، وہ غریبوں کا درد رکھتے ہیں۔
وفاقی وزیر کا کہنا تھا کہ اپوزیشن کو اسٹیج پر بیٹھا دیکھ کر بنارسی ٹھگوں کی یاد تازہ ہو جاتی ہے، لینڈ کروزر پر آنے والے غریبوں کی بات کرتے ہیں، پچھلے 40 سال سے یہی لوگ حکومتوں میں رہے لیکن انہوں نے صرف ذاتی کاروبار کو فروغ دیا، ان لوگوں نے جمہوریت کی پیٹ میں چھرا گھونپا ، اپنے احتساب کو سبوتاژ کرنے کی کوشش کررہے ہیں، اپوزیشن دشمن کے ایجنڈے پر کام کررہی ہے اور ملک کے خلاف بیانیے کو فروغ دے رہی ہے، انہوں نے اداروں کو لڑانے کی کوشش کی ہے، اپوزیشن کوعلم نہیں کہ وہ کس آگ سے کھیل رہے ہیں، قوم ان سے بدامنی پھیلانے کا حساب لے گی۔
سینیٹر شبلی فراز نے کہا کہ بلاول بھٹو زرداری کہتے ہیں کہ عوام ان کا ساتھ دیں، جن سے آج وہ بغل گیر ہورہے ہیں ان ہی لوگوں نے آپ کے بڑوں کو برا بھلا کہا، یہی لوگ تھے جنہوں نے بے نظیر بھٹو کی تصاویر جہازوں سے پھینکیں، وراثت کی وجہ سے انہیں پارٹی کی قیادت ملی، وہ سندھ کو ذاتی جاگیر سمجھتے ہیں۔ وہ اپنے قد سے بڑی باتیں کررہے ہیں، انہوں نے پولیس میں مجرموں کو بھرتی کیا ، آپ نوکریاں بیچتے تھے اور پیسے لے کر بھرتیاں کرتے تھے، کئی سال سے سندھ پر پیپلزپارٹی کی حکومت ہے، لوگوں وہاں بھوک کا شکار ہیں، مریم نواز بھی وراثت کی پیداوارہیں، مریم نواز نے خود کو بے نظیر بھٹو سمجھ لیا ہے۔ اپوزیشن الیکشن کو مشکوک کہتی ہے، سندھ میں ان کی حکومت ہے تو کیا وہاں دھاندلی نہیں ہوئی۔
وفاقی وزیر کا کہنا تھا کہ عمران خان نے 2 سال پہلے کہا تھا کہ یہ لوگ اکٹھے ہوں گے، پاکستان کوترقی کی راہ پر گامزن کرنے کے لئے ان لوگوں سے نجات ضروری ہے، ہم پہلے بھی اکیلے تھے اور اب بھی اکیلے ہیں، اپوزیشن میں رہ کر ہم نے ان لوگوں کا مقابلہ کیا تھا تو اب کیوں نہیں کریں گے، عوام کو بنارسی ٹھگوں سے نجات دلائیں گے، وہ دن دور نہیں جب یہ جیلوں میں بیٹھے ہوں گے، وزیراعظم کرپشن کے سوا ہر چیز پر بات کرنے کو تیار ہیں ، عمران خان کی قیادت میں خیر کی قوتیں کام کررہی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔