- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کا پاکستان کو 179 رنز کا ہدف
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
بے روزگار کرکٹرز کا مقدمہ لڑنا اظہر علی کو مہنگا پڑ گیا
لاہور: بے روزگارکرکٹرز کا مقدمہ لڑنا اظہرعلی کو مہنگا پڑگیا جب کہ وزیر اعظم سے ملاقات کی ’’پاداش‘‘ میں ٹیسٹ کپتانی ہی خطرے میں پڑ گئی۔
نئے ڈومیسٹک سسٹم نے سیکڑوں کرکٹرز کی بے روزگار کر دیا ہے، ڈپارٹمنٹل کرکٹ بحال کرنے کے معاملے پر بات چیت کا ارادہ لیے ہیڈکوچ و چیف سلیکٹر مصباح الحق،ٹیسٹ کپتان اظہر علی اورآل راؤنڈر محمد حفیظ وزیر اعظم و چیف پیٹرن پی سی بی عمران خان سے ملاقات کیلیے گئے تھے،اس دوران اسلام آباد میں موجود بورڈ کے چیئرمین احسان مانی اور چیف ایگزیکٹو وسیم خان بھی اس میٹنگ میں شریک ہوگئے۔
عمران خان نے اس موقع پر کرکٹرز کے موقف کو تسلیم نہیں کیا لیکن پی سی بی کو یہ بات ناگوار گزری کہ تنخواہ دار ہونے کے باوجود کرکٹرز نے بغیر اطلاع کیے اپنے طور پر وزیر اعظم سے ملاقات کیوں طے کی،سینٹرل کنٹریکٹ یافتہ نہ ہونے کی وجہ سے محمد حفیظ تو بچ نکلے،دیگر دونوں کرکٹرز سے باز پرس ہوئی،مصباح الحق فی الحال چیف سلیکٹر کا عہدہ گنوا بیٹھے ہیں،سابق کپتان نے زمبابوے سے سیریز کیلیے اسکواڈ کا انتخاب کیا،دورئہ نیوزی کیلیے کھلاڑیوں کی سلیکشن ان کی آخری ذمہ داری ہوگی۔
اگرچہ مصباح نے پریس کانفرنس میں کہاکہ ان کے ایک عہدہ چھوڑنے کی وجہ وزیر اعظم سے ملاقات نہیں لیکن ذرائع یہی بتاتے ہیں کہ ان کے حکام سے تعلقات اب مثالی نہیں رہے، دوسری جانب اظہر علی کا ستارہ بھی گردش میں آگیا۔
ذرائع کے مطابق ٹیسٹ کپتان کی کارکردگی کا جائزہ لیا جا رہا ہے، اس سے قبل ان کی پی سی بی کے چیف ایگزیکٹیو وسیم خان سے ملاقات بھی ہوچکی،ان کو قیادت سے ہٹاکر بابر اعظم کو ذمہ داری سونپے جانے کا امکان ہے۔
دوسری جانب ٹی ٹوئنٹی کے بعد ون ڈے کپتان بھی مقرر کیے جانے والے بابر اعظم پر تیسرے فارمیٹ کا اضافی بوجھ نہ ڈالنے کا فیصلہ کیا گیا تو محمد رضوان کو بھی ٹیسٹ کپتان بنایا جاسکتا ہے، حتمی فیصلہ دورئہ نیوزی لینڈ سے قبل متوقع ہے،اسکواڈ کا اعلان زمبابوے کیخلاف سیریز ختم ہونے پر نومبر کے دوسرے ہفتے میں متوقع ہے۔
پاکستان ٹیم کو دورہ نیوزی لینڈ میں 3 ٹی ٹوئنٹی میچز 18، 20 اور 22 دسمبر کو کھیلنا ہیں، بعد ازاں پہلا 26دسمبراوردوسرا 3 جنوری سے شروع ہوگا۔
یاد رہے کہ پاکستان کے موجودہ اسکواڈ میں سب سے زیادہ 81ٹیسٹ کھیلنے والے اظہر علی نے سرفراز احمد کو ہٹائے جانے پر12 ماہ قبل ٹیسٹ ٹیم کی قیادت سنبھالی تھی، دورئہ انگلینڈ کے تیسرے ٹیسٹ میں انھوں نے 141رنز کی عمدہ اننگز کھیلی تھی مگر سیریز پاکستان 0-1 سے ہار گیا تھا، محمد رضوان اس سیریز کے بہترین کھلاڑی قرار پائے تھے۔
کئی سابق کرکٹرز نے ان کی دلیری کو سراہتے ہوئے کہا تھا کہ انگلش کنڈیشنز میں بہتر کارکردگی کیلیے جس عزم اور حوصلے کی ضرورت ہوتی ہے انھوں نے اسی کا مظاہرہ کیا، چند روز قبل ہی وکٹ کیپر بیٹسمین کی قیادت میں خیبرپختونخوا کی ٹیم نے قومی ٹی ٹوئنٹی کپ بھی اپنے نام کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔