عالمی مارکیٹ میں قیمت بڑھنے کے بعد پاکستان میں بھی سونا مزید مہنگا

صرافہ مارکیٹوں میں فی تولہ سونے کی قیمت بڑھ کر 114100روپے ہو گئی ہے۔ فوٹو: فائل

---

PESHAWAR: عالمی مارکیٹ میں اضافے کے بعد پاکستان میں بھی فی تولہ سونے کی قیمت میں اضافہ ہو گیا ہے۔

بین الاقوامی بلین مارکیٹ میں فی اونس 24 قیراط سونے کی قیمت 11 ڈالر کے اضافے سے 1900 ڈالر کی سطح پرپہنچنے کے باعث مقامی صرافہ مارکیٹوں میں بھی منگل کو فی تولہ اور فی دس گرام سونے کی قیمتوں میں بالترتیب 900روپے اور 771 روپے کا اضافہ ہوگیا۔

اس اضافے کے نتیجے میں کراچی حیدرآباد سکھر ملتان لاہور فیصل آباد اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 114100روپے اور فی دس گرام سونے کی قیمت بڑھ کر 97822روپے ہوگئی۔

بلین مارکیٹ کے نمائندوں کا کہناہے کہ دبئی گولڈ مارکیٹ کے مقابلے میں پاکستانی صرافہ مارکیٹوں میں منگل کو بھی فی تولہ سونے کی قیمت 2000روپے کم رہی ہے۔ تاہم اسکے برعکس فی تولہ چاندی کی قیمت بغیرکسی تبدیلی کے1200روپے اور فی دس گرام چاندی کی قیمت 1028روپے 89پیسے پر مستحکم رہی۔