لاہور قلندرز کے خواب چکنا چور، کراچی کنگز پہلی بار پی ایس ایل چیمپئن بن گیا

 کراچی: کراچی کنگز لاہور قلندرز کو 5 وکٹ سے شکست دے کر پہلی بار پی ایس ایل چیمپئن بن گیا۔ 

پاکستان سپر لیگ کے پانچویں ایڈیشن کے بڑے معرکے میں لاہور قلندرز نے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 134 رنز بنائے جس کے جواب میں کراچی کنگز نے بابراعظم کی شاندار نصف سنچری کی بدولت لاہور قلندرز کو 5 وکٹ سے شکست دے دی۔

5️⃣ 0️⃣

Shabaa Bobby! @babarazam258 @KarachiKingsARY

#PhirSeTayyarHain #KKvLQ #HBLPSLV pic.twitter.com/3RnDXt1bKt

— PakistanSuperLeague (@thePSLt20) November 17, 2020

کراچی کنگز کی جانب سے شرجیل خان اور بابراعظم نے ٹیم کو جارحانہ آغاز فراہم کیا تاہم شرجیل تیسرے اوور میں 13 رنز بناکر پویلین واپس لوٹ گئے۔ بابراعظم نے الیکس ہیلز کے ساتھ اسکور بورڈ کو آگے بڑھایا تاہم 49 کے مجموعی اسکور پر الیکس بھی 11 رنز بناکر آؤٹ ہوگئے۔

Cheeky cheeky!@babarazam258 shararti mood mei#HBLPSLV #PhirSeTayyarHain #KKvLQ pic.twitter.com/uSQKn2H6o8

— PakistanSuperLeague (@thePSLt20) November 17, 2020

جس کے بعد چیڈوک والٹن اور بابراعظم کے درمیان 50 رنز کی اہم شراکت قائم ہوئی۔ اس دوران بابراعظم نے انتہائی ذمہ داری کا مظاہرہ کرتے ہوئے نہ صرف وکٹ روکے رکھی بلکہ اسکور بورڈ کو بھی آگے بڑھایا۔

https://twitter.com/thePSLt20/status/1328766930606567424

بابراعظم نے 39 گیندوں پر اپنی نصف سنچری مکمل کی جس میں 6 چوکے شامل تھے جب کہ والٹن نے بھی ان کا بھرپور ساتھ دیتے ہوئے 22 رنز کی اننگز کھیلی۔ افتخار احمد صرف 4 رنز کے مہمان ثابت ہوئے۔ بابراعظم نے 63 رنز کی ناقابل شکست اننگز کھیلی۔

لاہور قلندرز کی جانب سے حارث رؤف، دلبر حسین نے 2،2 اور سمت پٹیل نے ایک وکٹ حاصل کی۔

DOBARA PHIR SE@Oomad_A sends BOTH openers back!#HBLPSLV #PhirSeTayyarHain #KKvLQ pic.twitter.com/NuyhNUG6mi

— PakistanSuperLeague (@thePSLt20) November 17, 2020

اس سے قبل لاہور قلندرز کے کپتان سہیل اختر نے کراچی کنگز کے خلاف ٹاس جیت کر پہلے خود بیٹنگ کرنے کا فیصلہ کیا تو فخرزمان اور تمیم اقبال بیٹنگ کے لیے میدان میں اترے اور محتاط انداز میں بیٹنگ کرتے ہوئے پاور پلے میں بغیر کوئی وکٹ گنوائیں 37 رنز بنائے اور دونوں اوپنرز نے انتہائی سست بیٹنگ کرتے ہوئے 10 اوورز میں 68 رنز بنائے۔

U-MAID it happen! @Oomad_A sends @TamimOfficial28 back to the hut!#HBLPSLV #PhirSeTayyarHain #KKvLQ pic.twitter.com/epmLjGAiPJ

— PakistanSuperLeague (@thePSLt20) November 17, 2020

اننگز کے گیارویں اوور میں عمید آصف نے دونوں اوپننگ بلے بازوں کی اننگز کا خاتمہ کیا، تمیم اقبال کی اننگز کا خاتمہ ہوا وہ 38 گیندوں پر 35 رنز بناکر آؤٹ ہوئے اور فخرزمان نے 24 گیندوں پر 27 رنز کی اننگز کھیلی۔ لاہور قلندرز کے سب سے اہم بلے باز محمد حفیظ بڑے معرکے میں ناکام ثابت ہوئے اور صرف 2 رنز بنانے کے بعد پویلین واپس لوٹ گئے۔

O CAPTAIN MY CAPTAIN@simadwasim flunks the professor!#HBLPSLV #PhirSeTayyarHain #KKvLQ pic.twitter.com/CngzzfghDP

— PakistanSuperLeague (@thePSLt20) November 17, 2020

بین ڈنگ اور سمت پٹیل نے لاہور قلندرز کی ڈوبتی ہوئی کشتی کو سہارا دینے کی کوشش کی لیکن سمت پٹیل صرف 5 رنز پر ہمت ہار بیٹھے اور بین ڈنگ بھی ان کے پیچھے پیچھے پویلین جاپہنچے، وہ بھی صرف 11 رنز کے ہی مہمان ثابت ہوئے۔ دونوں کھلاڑیوں کو ارشد اقبال نے پویلین بھیجا۔

AB DEKHO HUMARA BHARHAM#HBLPSLV #PhirSeTayyarHain #KKvLQ pic.twitter.com/q4yVKxXEVL

— PakistanSuperLeague (@thePSLt20) November 17, 2020

لاہور قلندرز کے کپتان سہیل اختر بھی ناکام ثابت ہوئے اور صرف 14 رنز بنانے کے بعد آؤٹ ہوگئے۔ محمد فیضان نے کھاتہ کھولنے کی بھی زحمت نہ کی، وہ بھی وقاص مقصود کا شکار بنے۔ شاہین آفریدی 12 اور ڈیوڈ ویزے 14 رنز پر ناٹ آؤٹ رہے۔

. @iShaheenAfridi TAKES OFF!

GIANT SIX OFF @iamamirofficial#HBLPSLV #PhirSeTayyarHain #KKvLQ pic.twitter.com/Rx8N9S0wBr

— PakistanSuperLeague (@thePSLt20) November 17, 2020

کراچی کنگز کی جانب سے ارشد اقبال، عمید آصف، وقاص مقصود نے 2،2 اور عماد وسیم نے ایک ایک وکٹ حاصل کی۔

https://twitter.com/thePSLt20/status/1328721279906680832

کراچی کنگز کے بابراعظم کو شاندار بیٹنگ پر مین آف دی میچ دیا گیا اور پورے ٹورنامنٹ میں زیادہ اسکور کرنے پر انہیں نہ صرف بہترین بلے باز بلکہ مین آف دی ٹورنامنٹ کا ایوارڈ بھی دیا گیا جب کہ شاہین آفریدی کو بہترین بولر اور بین ڈنگ کو بہترین وکٹ کیپر کا ایوارڈ دیا گیا۔

https://twitter.com/thePSLt20/status/1328709328992395265