انگلینڈ نے 2021 میں دورہ پاکستان کی تصدیق کردی

ویب ڈیسک  بدھ 18 نومبر 2020
پی سی بی نے جنوری میں انگلش ٹیم کو دورہ پاکستان کی دعوت دی تھی۔ فوٹو : فائل

پی سی بی نے جنوری میں انگلش ٹیم کو دورہ پاکستان کی دعوت دی تھی۔ فوٹو : فائل

 لاہور: پاکستان کرکٹ بورڈ کے مطابق انگلش کرکٹ ٹیم نے 2021 میں دورہ پاکستان کی تصدیق کردی ہے۔

پی سی بی کے مطابق انگلینڈ نے 2021 میں دورہ پاکستان کی تصدیق کردی ہے، انگلینڈ کی ٹیم اگلے برس اکتوبر میں 2 ٹی ٹوئنٹی میچز کی سیریز پاکستان میں کھیلے گی جو 14 اور 15 اکتوبر کو کراچی کے نیشنل اسٹیڈیم میں کھیلے جائیں گے۔

https://twitter.com/englandcricket/status/1328986338230759424

انگلینڈ کرکٹ بورڈ نے سماجی رابطے کی سائٹ ٹوئٹر پر بھی دورہ پاکستان کی تصدیق کرتے ہوئے کہا کہ ہم پاکستان جارہے ہیں، انگلش ٹیم 16 سال بعد پاکستان کا دورہ کرے گی اور 12اکتوبر کو پاکستان پہنچے گی جب کہ سیریز کے بعد پاکستان اور انگلینڈ ورلڈ کپ ٹی ٹوئنٹی کے لیے ایک ساتھ بھارت جائیں گے۔

واضح رہے کہ پی سی بی نے جنوری میں انگلش ٹیم کو دورہ پاکستان کی دعوت دی تھی تاہم انگلینڈ کرکٹ بورڈ نے ٹیم کی مصروفیات کی وجہ سے اکتوبر میں سیریز کی تجویز دی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔