ایک اوربھارتی اداکارہ کورونا وبا سے ہلاک

اداکارہ کا گزشتہ ماہ کورونا ٹیسٹ مثبت آیا جس کے بعد سے وہ اسپتال میں زیر علاج تھیں

---

بھارت میں ایک اورٹی وی اداکارہ دیویا بھٹناگرکورونا وبا کے باعث چل بسیں۔

بھارتی میڈیا رپورٹس کے مطابق ڈرامہ 'یہ رشتہ کیا کہلاتا ہے' میں اداکاری کے جوہر دکھانے والی اداکارہ دیویا بھٹناگرکورونا وبا کے باعث 34 سال کی عمرمیں چل بسیں۔

اداکارہ کا گزشتہ ماہ کورونا ٹیسٹ مثبت آیا جس کے بعد سے وہ اسپتال میں زیرعلاج تھیں۔ اداکارہ گزشتہ دنوں سے وینٹی لیٹرپر بھی تھیں۔

2 ماہ قبل بھارتی فلم انڈسٹری کی اداکارہ اشلاتا وبگاؤنکرفلم کی شوٹنگ کے دوران کورونا وائرس میں مبتلا ہونے کے چار روز بعد ہلاک ہوگئی تھیں۔