سلمان خان کے شو بگ باس کی اہم رکن ٹریفک حادثے میں ہلاک

 ممبئی: بالی ووڈ اداکار سلمان خان کے مشہور شو ’’بگ باس‘‘ کی اہم رکن ٹریفک حادثے میں ہلاک ہوگئیں۔

بھارتی میڈیا کے مطابق مقبول ترین بھارتی متنازع شو ’’ بگ باس 14 ‘‘ کی ٹیلنٹ منیجر ٹریفک حادثے میں ہلاک ہوگئیں۔ افسوس ناک واقعہ عین اُس وقت پیش آیا جب خاتون شوٹنگ کرکے واپس گھر جا رہی تھیں۔

پستہ دھکڑ شو کی شوٹنگ کے بعد اپنی اسسٹنٹ کے ہمراہ بائیک پر جا رہی تھیں تاہم اس دوران اندھیرے کے سبب اُن کی بائیک راستے میں گڑھے کی وجہ سے بے قابو ہوکر پھسل گئی جس کی وجہ سے دونوں خاتون سڑک پر گرگئیں۔

Rest in peace Pista… pic.twitter.com/7oXexVVfL6

— Salman Khan (@BeingSalmanKhan) January 17, 2021

اسی دوران عقب سے آنے والی وین اُن پر چڑھ گئی جس کے باعث وہ موقع پر ہی ہلاک ہو گئیں۔ سلمان خان سمیت ان کی پوری ٹیم اپنی رکن کے ہلاک ہونے پر افسردہ ہے۔