اردن کے ساتھ سیکیورٹی تعاون کا فروغ چاہتے ہیں جنرل باجوہ

میجر جنرل یوسف احمد الحنائتی نے پاک فوج کی پیشہ وارانہ مہارت اور علاقائی امن و استحکام کیلیے کوششوں کو سراہا۔ فوٹو: آئی ایس پی آر

---

WASHINGTON: پاک فوج کے سپہ سالار جنرل قمر جاوید باجوہ سے اردن کے چیئرمین جوائنٹ چیفس آف اسٹاف کمیٹی میجر جنرل یوسف احمد الحنائتی نے ملاقات کی جس میں میں باہمی اور پیشہ وارانہ دلچسپی کے امور اور علاقائی سلامتی کی صورتحال پر تبادلہ خیال کیاگیا۔

آئی ایس پی آر کے مطابق ملاقات جی ایچ کیو میں ہوئی، جس میں پیشہ ورانہ دلچسپی کے امور اور علاقائی سیکیورٹی کے بارے میں بات چیت کی گئی، آرمی چیف جنرل قمر جاوید باجوہ نے کہا کہ پاکستان اردن کے ساتھ برادرانہ تعلقات کو خصوصی اہمیت دیتا ہے، اردن کی افواج کے ساتھ دفاعی اور سیکیورٹی تعاون کا فروغ چاہتے ہیں۔

اردن آرمڈ فورسز کے چیئرمین جوائنٹ چیف آف اسٹاف نے پاک فوج کی پیشہ وارانہ مہارت اور علاقائی امن و استحکام کیلیے کوششوں کو سراہا۔