علی ظفر کے ہتک عزت کے دعوے پر اداکارہ عفت عمر دوبارہ طلب

عدالت کا میشا شفیع کے دیگر گواہوں کو پیش ہونے کا حکم

---

گلوکار علی ظفر کے ہتک عزت کے دعوے پر سیشن کورٹ نے گلوکارہ میشا شفیع کے خلاف گزشتہ سماعت کا تحریری حکم جاری کردیا۔

عدالت نے اداکارہ عفت عمر کو وکلاء کی جرح کے لیے دوبارہ طلب کرلیا اور میشا شفیع کے دیگر گواہوں کو پیش ہونے کا حکم دے دیا۔

تحریری حکم نامے میں کہا گیا کہ عفت عمر جرح کے لیے پیش نہیں ہوئی اور میشا شفیع کے وکیل نے کارروائی ملتوی کرنے کی استدعا کی جبکہ علی ظفر کے وکیل نے بھی کارروائی ملتوی کرنے کی مخالفت نہ کی۔

یہ بھی پڑھیں: علی ظفر میشا شفیع ہتک عزت کیس؛ گواہ عفت عمر کی تخفظ کے لیے درخواست

عدالت نے میشا شفیع کے وکیل کی استدعا کو منظور کرتے ہوئے سماعت 10 فروری تک ملتوی کردی۔ ایڈیشنل سیشن جج ظفر اقبال رانجھا نے گزشتہ سماعت کا تحریری حکم جاری کیا۔