خلیل الرحمان قمر ٹاک شو میں دوران گفتگو مداخلت کرنے پر ساتھی مہمان پر برہم

 لاہور: ڈرامہ نگار خلیل الرحمان قمر شو میں دوران گفتگو مداخلت کرنے پر ساتھی مہمان پر برہم ہو گئے اور شو چھوڑ کر چلے گئے۔

خلیل الرحمان قمر نے حال ہی میں مقامی چینل کے ایک شو میں شرکت کی جہاں اُن کے ہمراہ دو اور خواتین مہمان بھی موجود تھی تاہم چار شادیوں کے معاملے پر خاتون کی جانب سے تنقیدی الفاظ استعمال کئے گئے اور انہیں اس موضوع سے متعلق اپنا موقف دینے کا پورا وقت دیا گیا تاہم خلیل الرحمان کو بیچ میں ٹوکا گیا۔

pic.twitter.com/WHQlnDCjZq

— trendy business (@business_trendy) February 22, 2021

میزبان کی جانب سے خلیل الرحمان قمر سے شادی سے متعلق سوال کیا گیا تو اُن کا کہنا تھا کہ میں نے یہاں آکر چار شادیوں کی بات نہیں کی اگر کسی کا اس حوالے سے کوئی نظریہ بھی ہے آپ کو کس نے اجازت دی ہے اس کے خلاف بات کریں۔ کیوں کہ چار شادیوں سے متعلق قرآن پاک کی باقائدہ آیت موجود ہے اس لئے کوئی بھی اس کے خلاف بات کرنے کی جرات نہیں کر سکتا۔

اسی اثنا میں دیگر خاتون مہمان کی جانب سے خلیل الرحمان قمر کی گفتگو کے دوران مداخلت کی گئی جس پر وہ برہم ہو گئے۔ انہوں نے کہا کہ میں نے کسی کی گفتگو کے دوران کچھ نہیں کہا تو لہذا مجھے میرا موقف دینے کا پورا موقع دیا جائے۔

یہ خبر بھی پڑھیں: مخالفین اپنی خواتین کو یہ بینر تھما کر تصویر بنوائیں معافی مانگ لوں گا، خلیل الرحمان قمر

بات زیادہ بڑھی تو تو خلیل الرحمان قمر نے برہمی کا اظہار کرتے ہوئے اپنا مائیک نکال دیا اور شو چھوڑ کر چلے گئے۔