پی ٹی آئی سندھ ایڈوائزری ارکان کا گورنر سندھ کو ہٹانے کا مطالبہ

اسٹاف رپورٹر  ہفتہ 27 فروری 2021
پی ٹی آئی سندھ کے رہنماؤں نے عمران خان کوخط لکھ دیا جس کواعلامیہ کی شکل میں کنوینراللہ بخش انڑ نے میڈیا کوجاری کردیا۔فوٹو: فائل

پی ٹی آئی سندھ کے رہنماؤں نے عمران خان کوخط لکھ دیا جس کواعلامیہ کی شکل میں کنوینراللہ بخش انڑ نے میڈیا کوجاری کردیا۔فوٹو: فائل

 کراچی: پاکستان تحریک انصاف سندھ میں سینیٹ میں ٹکٹوں کی تقسیم پر دوھڑوں میں تقسیم ہو گئی۔

تحریک انصاف سندھ ایڈوائزری ارکان نے گورنرسندھ عمران اسماعیل کوہٹانے کا مطالبہ کرتے ہوئے کہا کہ سندھ میں سینٹ کی ٹکٹوں کی تقسیم اور تنظیمی ڈھا نجے کوعمران اسماعیل نے شدیدمتاثر کیا۔

سندھ میں پیپلزپارٹی دیہی اور شہری سطع پر تقسیم ہو گئی ہے اندورن سندھ سے تعلق رکھنے والے تحریک انصاف کے رہنما سینیٹ میں سیف اللہ ابڑو اور فیصل واڈا کو ٹکٹ دیے جانے پر شدید ناراض ہے جبکہ کر اچی سے تعلق رکھنے والے اراکین اسمبلی اور پارٹی رہنماؤں نے اس کی حما یت کی ہے۔

تحریک انصاف کے رہنماؤں کے دونوں گروپ ایک دوسرے پر سنگین الزامات لگار ہے ہیں جبکہ تحریک انصاف سندھ ایڈوائزری کونسل کا اجلاس منعقد کیا گیا جس میں وزیرعمران خان کو خط لکھا گیا خط کے متن کے مطابق پاکستان تحریک انصاف سندھ ایڈوائزری ارکان کا اجلاس ہوا۔

تحریک انصاف ایڈوائزری کونسل کے کنوینر اللہ بخش انڑ کے دستخط سے جاری اعلامیہ میں کہا گیا کہ پارٹی کو گورنر سندھ کے کردار نے غیر مستحکم کردیا حالیہ ضمنی انتخابات کی ناکامی کے ذمے دارگورنرسندھ ہیں،گورنرسندھ عمران اسماعیل کوہٹایاجائے،لیاقت جتوئی پارٹی کااثاثہ ہیں،لیاقت جتوئی کودیاگیاشوکازنوٹس واپس لیکرمعافی مانگی جائے جبکہ سند ھ ایڈوائزری کونسل نے عمر ان کی قیادت پر مکمل اعتما د کا اظہار کیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔