بھارت میں مسلم نوجوان پرتشدد اورزبردستی ’پاکستان مردہ باد‘ کا نعرہ لگوانے کی ویڈیووائرل

اجے گواسوامی گذشتہ برس دہلی میں ہونے والے مسلم کش فسادات سے حوالے سے جیل کاٹ چکے ہیں فوٹو: اسکرین شاٹ

---

بھارت میں مسلم نوجوان پرتشدد سمیت زبردستی 'پاکستان مردہ باد اورہندوستان زندہ آباد' کا نعرہ لگوانے کی ویڈیو وائرل ہوگئی۔

بھارت کے دارالحکومت دہلی کے علاقے کھجوری خاص میں پیش آئے واقعے کی ایک وڈیو وائرل ہوئی جس میں ایک شخص زبردستی مسلم نوجوان کو تشدد کا نشانہ بنا رہا ہے اورساتھ ساتھ کہہ رہا ہے کہ وہ پاکستان مردہ باد اورہندوستان زندہ آباد کا نعرہ لگائے۔

وڈیومیں دیکھا جاسکتا ہے کہ اجے گوسوامی مسلم نوجوان پرتشدد کررہا ہے اور اسے بار بار پاکستان مخالف نعرے لگانے کا کہہ رہا ہے جب کہ مسلم نوجوان اس سے پناہ مانگ رہا ہے۔

پولیس کی جانب سے تشدد کرنے والے شخص اجے گوسوامی کو گرفتارکرلیا گیا ہے جب کہ واقعہ کا مقدمہ بھی درج کرلیا گیا ہے تاہم پولیس کی جانب سے متاثرہ شخص کی شناخت ظاہر نہیں کی گئی۔

A video of Khajoori Khas incident is in circulation on social media. Cognizance of the incident has been taken and a criminal case has been registered. The accused has been arrested and investigation of the case is in progress.@CPDelhi @cp_delhi

— DCP North East Delhi (@DCPNEastDelhi) March 24, 2021

پولیس کے مطابق اجے گواسوامی گذشتہ برس دہلی میں ہونے والے مسلم کش فسادات سے حوالے سے جیل کاٹ چکے ہیں اور چند روزقبل ہی وہ ضمانت پررہا ہوا ہے۔

https://twitter.com/saurabh3vedi/status/1374697418059489286

واضح رہے کہ دہلی میں پولیس اور حکومتی سرپرستی میں انتہا پسند ہندوؤں کی جانب سے مسلم کش فسادات میں گزشتہ برس درجنوں افراد مارے گئے تھے۔