علی امین گنڈا پور کی اپنے کم عمر بچے سے گاڑی چلوانے پر کی جانیوالی تنقید پر ہٹ دھرمی

علی امین گنڈا پور کی ویڈیو وائر ہوئی تھی جس میں وہ گاڑی میں موجود ہیں اور کم عمر بچہ گاڑی چلا رہا ہے

---

کم عمر بچے سے گاڑی چلوانے پر ہونے والی تنقید کے بعد وفاقی وزیر علی امین گنڈا پور کا ردعمل سامنے آگیا جس میں انہوں ںے ہٹ دھرمی کا مظاہرہ کرتے ہوئے اس عمل کا دفاع کیا ہے۔

ایکسپریس نیوز کے اینکر منصور علی خان نے علی امین گنڈا پور کی ویڈیو شیئر کی جس میں وہ گاڑی میں موجود ہیں اور ایک بچہ گاڑی چلا رہا ہے۔ اس پر اینکر پرسن نے تبصرہ کیا تھا '' علی امین گنڈاپور ایک بچے کو گاڑی چلوا رہے ہیں۔ پریشان نہ ہوں، ابھی ہمارے انصافی بھائی اس کی بھی کرامات بیان کریں گے۔''

اس پر جوابی ٹوئٹ کرتے ہوئے علی امین گنڈا پور نے لکھا کہ ''پہلی بات یہ کہ ٹریفک قوانین کا اطلاق سڑک، ہائی وے اور موٹر وے پر ہوتا ہے اس لیے کسی قانون کی خلاف ورزی نہیں ہوئی آپ اپنی معلومات میں اضافہ کریں۔''

Firstly traffic law applies on road , highway or motorway so no law is violated upgrade ur knowledge secondly it’s my own land my own vehicle and my own son and thirdly grow up mr mansoor ali khan and others who negatively commented and mind ur own businesses

— Ali Amin Khan Gandapur (@AliAminKhanPTI) March 29, 2021

انہوں نے مزید کہا کہ ''دوسری بات یہ ہے کہ یہ میری اپنی زمین ہے، میری اپنی گاڑی ہے اور (گاڑی چلانے والا بچہ) میرا بیٹا ہے۔ تیسری بات یہ کہ منصور علی خان اور تنقید کرنے والے دیگر بڑے ہوجائیں اور اپنے کام سے کام رکھیں۔''

واضح رہے کہ سوشل میڈیا پر وفاقی وزیربرائے امورِ کشمیر و گلگت بلتستان علی امین گنڈا پور کی ایک ویڈیو وائرل ہوئی تھی جس میں وہ گاڑی میں سوار ہیں اور ایک کم عمر بچہ گاڑی چلا رہا ہے۔ اس ویڈیو کے سوشل میڈیا پر وائرل ہونے کے بعد وفاقی وزیر کے رویے پر تنقید کی گئی تھی۔