- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کی پاکستان کے خلاف بیٹنگ جاری
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
کیلیفورنیا کے گھر پر سیکڑوں پرندوں کا حملہ
کیلیفورنیا: امریکا میں ایک خاندان اس وقت حیران اور خوفزدہ ہوگیا جب ان کے گھر کے کھلے حصوں سے پرندے گھر میں آنا شروع ہوگئے۔ جب گھر کے اندرونی راستے بند کئے گئے تو پرندوں نے چمنی سے یلغار کردی۔ اہلِ خانہ نے گھر کے اندر 800 پرندے شمار کئے تھے اور اس کے بعد گنتی بند کردی تھی۔
کیلیفورنیا کے علاقے ٹورنس میں کیری نامی خاتون نے بتایا کہ یہ سلسلہ 21 اپریل کو شروع ہوا اور رات کے وقت چمنی سے پرندے گھر میں گھسنا شروع ہوئے۔ اس منظر کو دیکھ کر انہیں ایلفریڈ ہچکاک کے ڈراؤنی فلم ’دی برڈز‘ کی یاد آگئی۔
اس ضمن میں جاری ایک ویڈیو میں دیکھا جاسکتا ہے کہ پرندوں کی بڑی تعداد چمنی کے اوپر منڈلارہی ہے اور پھر پرندوں نے غوطہ لگایا اور چمنی کے اندر داخل ہوگئے۔ اس کے بعد کی ویڈیو میں پرندوں کو گھر کی کھڑکی کے پاس جمع ہوتا دیکھا جاسکتا ہے۔
اس کے بعد خاتون نے پولیس سے رابطہ کیا تو انہوں جنگلی حیات کے محکمے سے مشورے کے بعد کہا کہ گھروں کے دروازے اور کھڑکیاں کھول دی جائیں تو پرندے بھاگ جائیں گے۔ تاہم یہ ترکیب بھی بے کار ثابت ہوئی۔
مدد کے لیے آنے والے ایک پڑوسی نے بتایا کہ دروازے کھولنے کے باوجود بھی پرندے گھر کے اندر ہی گھومتے رہے۔ وہ ہر کمرے اور ہرغسل خانے تک جاپہنچے اور اپنا قبضہ جما لیا۔ اس کے بعد گھروالوں نے ٹوپی والی جیکٹ اور ماسک پہن کر خود کو محفوظ بنایا۔
جب پرندوں نےجانے سے انکار کردیا تو مجبوراً گھروالے باہر نکل آئے اور وہ رات ایک ہوٹل میں گزاری۔ اس کے بعد فائرفائٹر کی مدد سے پرندوں کو مشکل سے باہر نکالا گیا لیکن اگلے روز وہ دوبارہ لوٹ آئے اور اس بار بھی چمنی کو ہی راستہ بنایا۔ اس کے بعد فائرفائٹر نے چادروں اور شیٹوں سے پرندوں کو ایک جانب دھکیلا اور ان سب کو گھر کے عقبی دروازے سے نکال باہر کیا۔
یہ تمام پرندے نقل مکانی کرکے جنوبی کیلیفورنیا سے آرہے تھے اور ایک نئے گھر کی تلاش میں تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔