نیاعدالتی سال کل شروعسپریم کورٹ میںفل کورٹ ریفرنس ہوگا

این آئی سی ایل اورالیکشن پرفوج کے اثراندازہونے کی پٹیشن سنی جائے گی۔ فوٹو: فائل

---

AZAD KASHMIR: سپریم کورٹ میں اگلے ہفتے کے لیے روسٹر جاری کردیا گیا ، تمام جج پرنسپل سیٹ اسلام آباد میں مقدمات سنیں گے۔

چیف جسٹس افتخار محمد چوہدری نے زیر التوا مقدمات کی سماعت کے لیے مجموعی طور پر 6 بینچ تشکیل دیے ہیں ۔ چیف جسٹس افتخار محمد چوہدری ، جسٹس جواد ایس خواجہ اور جسٹس خلجی عارف حسین پر مشتمل 3 رکنی بینچ پیر سے اہم مقدمات کی سماعت کرے گا ۔ بدھ کو این آئی سی ایل اور جمعرات کو الیکشن پر فوج کے اثر انداز ہونے سے متعلق اصغر کی پٹیشن کی سماعت ہوگی ۔

پیر کو نیا عدالتی سال شروع ہوگا جس کی مناسبت سے فل کورٹ ریفرنس بھی ہو گا ۔ اسلام آباد ہائیکورٹ کے چیف جسٹس اقبال حمید الرحمان نے بھی اگلے ہفتے کے دوران مقدمات کی سماعت کے لیے 4 سنگل اور 2 ڈویژن بنچ تشکیل دیے ہیں۔