پاکستان ہاکی ٹیم کی اذلان شاہ کپ میں شرکت دشوار

ایونٹ کے لیے انٹری بجھوانے کی آخری تاریخ30 جنوری ہے، فوٹو: فائل

---

حکومت کی طرف سے مالی مدد نہ ملنے کی وجہ سے پاکستان ہاکی ٹیم کے رواں سال کے پہلے انٹرنیشنل ایونٹ پر سوالیہ نشان لگ گیا۔

30 جنوری تک شرکت کی تصدیق نہ کرنے پر ٹیم31 سال بعد سلطان اذلان شاہ ٹورنامنٹ میں شرکت نہیں کر سکے گی۔اس ایونٹ کا آغاز1983 میں ہوا، گرین شرٹس اولین ایڈیشن سے2013 کے ایونٹ تک مسلسل شرکت کرتے آئے ہیں،اب حکومت کی طرف سے تاحال فنڈز نہ ملنے کی وجہ سے شرکت دشوار ہو گئی ہے۔



ذرائع کے مطابق ایونٹ کے لیے قومی ہاکی ٹیم کا تربیتی کیمپ یکم جنوری سے شروع ہونا تھا لیکن حکومت کی طرف سے مالی مدد نہ ملنے کی وجہ سے تاحال شروع نہیں ہو سکا۔ ایونٹ کے لیے انٹری بجھوانے کی آخری تاریخ30 جنوری ہے، اس دوران حکومت کی طرف سے اگر مالی مدد نہ مل سکی تو قومی ٹیم شریک نہیں ہوپائے گی، ذرائع نے پاکستان ہاکی فیڈریشن کے پیٹرن انچیف وزیر اعظم نواز شریف سے درخواست کی کہ وہ قومی کھیل کے تابناک مستقبل کے لیے فوری طور پر30 کروڑ روپے کے فنڈز جاری کریں۔