- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
ایمان علی کو ذہنی طور پر مدد کی ضرورت ہے، متھیرا
کراچی: اداکارہ، ماڈل اور وی جے متھیرا نے کہا ہے کہ ایمان علی کو ذہنی طور پر مدد کی ضرورت ہے۔
ایمان علی گزشتہ چند روز سے خواجہ سراکمیونٹی کے جذبات مجروح کرنے اور ان کا مذاق اڑانے پر شدید تنقید کی زد میں ہیں۔ جہاں اینکر رابعہ انعم نے انہیں خواجہ سرا کمیونٹی کا مذاق اڑانے پر بیوقوف قرار دیا وہیں کامی سڈ (خواجہ سرا ماڈل) نے بھی انہیں آڑے ہاتھوں لیا اور اب اداکارہ متھیرا اور حمائمہ ملک نے بھی اس معاملے پر آواز اٹھائی ہے۔
متھیرا نے انسٹاگرام اسٹوری پر لکھا مجھے نہیں معلوم لوگ ’’کھسرا‘‘ اور ’’ماسی‘‘جیسے الفاظوں کو کسی کی توہین کرنے کے لیے کیوں استعمال کرتے ہیں۔ ایمان بہت خوبصورت خاتون ہے اور اسے ذہنی طور پر مدد کی ضرورت ہے۔
یہ بھی پڑھیں: خود کو خواجہ سرا سے تشبیہ دینے پر ایمان علی کو شدید تنقید کا سامنا
متھیرا نے مزید کہا ذہنی صحت ہمارے معاشرے کا بڑا مسئلہ ہے وہ تمام لوگ جو کمنٹ باکس میں ایمان علی پر تنقید کررہے ہیں وہ وہی لوگ ہیں جو ان الفاظوں کو کسی دوسرے کی توہین کرنے کے لیے استعمال کرتے ہیں۔
متھیرا نے ایمان علی کی حمایت میں آوازاٹھاتے ہوئے ایمان علی پر تنقید کرنے والے تمام لوگوں سے کہا کبھی کبھی لوگوں کو معاف کردینا اور لوگوں کی غلطیوں کو معاف کرنے میں ان کی مدد کرنا صحیح ہوتا ہے بجائے اس کے کہ آپ مسلسل اس شخص کو اس کی غلطیوں کا احساس دلائیں۔
اداکارہ حمائمہ ملک نے بھی اس معاملے پر آواز بلند کی ہے۔ انہوں نے بھی انسٹااسٹوری پر لکھا افسوس کی بات ہے ہم ایسے معاشرے میں بڑے ہوتے ہیں جہاں دوسروں کو نیچا دکھانا معمول کی بات ہے۔ ہماری ٹرانس جینڈر کمیونٹی ہمارے لیے بے عزتی نہیں ہے وہ بھی اللہ کی تخلیق کردہ مخلوق ہیں اور ہماری طرح انسان ہیں۔
بجائے اس کے کہ ان سے محبت کی جائے جس طرح خدا کی تخلیق کردہ دیگر مخلوقات سے کی جاتی ہے ہمارے معاشرے میں خواجہ سراؤں کو نیچا دکھایا جاتا ہے اور ان کا مذاق اڑایا جاتا ہے۔
میرا ماننا ہے بطور مشہور شخصیات یہ ہماری ذمہ داری ہے کہ ہم اپنے الفاظوں کا انتخاب بہت سوچ سمجھ کر کریں اور بجائے اس کے کہ ہم اپنے الفاظوں سے کسی کے جذبات مجروح کریں بلکہ ہمیں کوشش کرنی چاہئے کہ ہمارے رویوں اور الفاظوں سے لوگ کچھ اچھا سیکھیں۔
حمائمہ ملک نے کہا شاید یہ ایمان سے انجانے میں ہونے والی غلطی تھی لیکن ان کی اس غلطی سے بہت سے لوگوں کا دل دکھا ہے۔ امید ہے ایمان علی ٹرانس جینڈر کمیونٹی سے معافی مانگیں گی۔
واضح رہے کہ ایمان علی اداکار واسع چوہدری کے پروگرام ’’گھبرانا منع ہے‘‘ میں خود کو ’’کھسرے‘‘سے تشبیہ دیتے ہوئے کہا تھا کہ وہ اپنی سیلفی اس لیے نہیں لیتیں کہ انہیں اپنا آپ اچھا نہیں لگتا اور جب وہ موبائل میں خود کو دیکھتی ہیں تو لگتا ہے کوئی ’’کھسرا (خواجہ سرا)‘‘ کھڑا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔