- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
دھڑکن درست کرنے والا یہ ’عارضی پیس میکر‘ جسم میں گھل کر ختم ہوجاتا ہے
الینوائے: دل کی دھڑکن کو ترتیب میں رکھنے کے لیے پیس میکر لگائے جاتےہیں جن کے اندر بیٹری نصب ہوتی ہے۔ لیکن اب دنیا کا پہلا ایسا پیس میکر بنایا گیا ہے جو اپنا کام کرنے کے بعد ازخود گھل کر ختم ہوجاتا ہے۔
نارتھ ویسٹرن اور جارج واشنگٹن یونیورسٹی کے سائنسدانوں نے مشترکہ طور پر دنیا کا پہلا پیس میکر بنایا ہے جو وائرلیس سے بجلی لیتا ہے، اس میں بیٹری نہیں ہے اور اسے مکمل طور پر آسانی سے انسانی جسم میں پیوست کیا جاسکتا ہے۔ پھر جب ضرورت نہیں ہوتی تو یہ بدن کے اندر ہی ازخود غائب ہوجاتا ہے۔
یہ پیس میکر، ہلکا پھلکا، لچکدار اور بہت پتلا ہے۔ بطورِ خاص ان مریضوں کے لیے بہت ہی مفید ہے جنہیں تھوڑے عرصے تک پیس میکر کی ضرورت ہوتی ہے۔ عموماً دل کی سرجری یا کسی اور آپریشن کے بعد کچھ مریضوں کو پیس میکر کی ضرورت ہوتی ہے۔ دنیا کے بہترین حیاتیاتی اجزا سے بنا پیس میکر قدرتی طور پر انسانی جسم کے مائعات سے متاثر ہوتا ہے اور پانچ سے سات ہفتوں میں مکمل طور پر غائب ہوجاتا ہے، یوں مریض کے لیے دوبارہ تکلیف دہ آپریشن کی ضرورت نہیں ہوتی۔
دل کے پاس لگا پیس میکر نیئر فیلڈ کمیونکیشن کی طرز پر جسم کے باہر سے بجلی لیتا ہے اور چلتا رہتا ہے۔ یہی ٹیکنالوجی آر ایف آئی ڈی ٹیگزمیں استعمال ہوتی ہے۔ بسا اوقات پیس میکرلگانے سے جسم کے اندر کی بافت خراب ہوجاتی ہے اور انہیں دوبارہ نکالنے کی کوشش میں مزید نقصان بھی ہوجاتا ہے۔
اس طرح کسی پیچیدگی کے بغیر یہ پیس میکر وقتی طور پر بہترین پیس میکر کا کام کرسکتا ہے۔ نئی ایجاد جسم دوست اور ماحول دوست بھی ہے اور اسے دنیا کا پہلا پیس میکر کہا جاسکتا ہے جو ازخود ختم ہوجاتا ہے۔ اس سے مریض کی تکلیف کم ہوتی ہے اوردیگر فوائد حاصل ہوسکتے ہیں۔ عموماً اوپن ہارٹ سرجری کے بعد بھی بعض افراد کو وقتی پیس میکر کی ضرورت پڑتی ہے۔ دل بحال ہونے کے بعد جب دھڑکن معمول پر آجاتی ہے تو پیس میکر نکال دیا جاتا ہے۔
حیرت انگیز طور پر پیس میکر کا وزن صرف آدھا گرام ہے اور الیکٹروڈ دل سے چپک کر برقی جھماکے خارج کرتا رہتا ہے۔ دلچسپ بات یہ ہے کہ لوگوں کو دل میں پیس میکر لگانے والے سرجن حضرات نے بھی اسے ایک خوش آئند ایجاد قرار دیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔