پارلیمانی کمیٹی برائے قومی سلامتی کا ان کیمرا اجلاس آج ہوگا

ویب ڈیسک  بدھ 30 جون 2021
ڈی جی آئی ایس آئی پارلیمانی کمیٹی کو بریفنگ دیں گے

ڈی جی آئی ایس آئی پارلیمانی کمیٹی کو بریفنگ دیں گے

 اسلام آباد: پارلیمانی کمیٹی برائے قومی سلامتی کا ان کیمرہ اجلاس آج پارلیمنٹ میں ہوگا۔

ایکسپریس نیوز کے مطابق اجلاس کی صدارت اسپیکر قومی اسمبلی اسد قیصر کریں گے، اجلاس میں اپوزیشن لیڈر شہباز شریف، چیئرمین پیپلزپارٹی بلاول بھٹو زرداری، مولانا اسد محمود، امیر حیدر ہوتی، پرویز خٹک،  شیخ رشید، فواد حسین سمیت 29 ارکان شرکت کریں گے۔

ان کیمرہ اجلاس میں افغانستان کی صورتحال، امریکی فوج کے انخلا اور اس کے بعد کی صورتحال، بھارت اور مقبوضہ کشمیر کی صورتحال پر بریفنگ دی جائے گی۔ ڈی جی آئی ایس آئی پارلیمانی کمیٹی کو بریفنگ دیں گے۔

ذرائع کے مطابق ان کیمرہ اجلاس میں ملک کی داخلی صورتحال پر بھی بریفنگ دی جائے گی۔ پارلیمانی کمیٹی برائے قومی سلامتی کے اجلاس میں پارلیمانی جماعتوں کے نمائندے شرکت کی دعوت دے دی گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔