اسٹوکس اوربٹلرکی پاکستان سے ٹی20سیریزمیں شرکت مشکوک

ٹیم مینجمنٹ دونوں کی انٹرنیشنل کرکٹ میں واپسی کے حوالے سے خاصا محتاط رویہ اپنائے ہوئے ہے۔فوٹو : فائل

---

بین اسٹوکس اور جوز بٹلر کی پاکستان سے ٹی ٹوئنٹی سیریزمیں شرکت مشکوک ہے۔

کپتان ایون مورگن کا کہنا ہے کہ ہم اسٹوکس اور بٹلر کی واپسی میں کوئی جلدبازی نہیں کرنا چاہتے،آل راؤنڈرکے بائیں ہاتھ کی انگلی اپریل میں دوران فیلڈنگ فریکچر ہوئی تھی،تب وہ آئی پی ایل میں راجستھان رائلز کی نمائندگی کر رہے تھے۔

اسٹوکس اب انجری سے نجات پا چکے اور سردست کاؤنٹی چیمپئن شپ میں ڈرہم کی جانب سے کھیل رہے ہیں، بٹلر پنڈلی میں تکلیف کے سبب آئندہ 2 میچز میں دستیاب نہیں ہیں۔

واضح رہے کہ ٹیم مینجمنٹ دونوں کی انٹرنیشنل کرکٹ میں واپسی کے حوالے سے خاصا محتاط رویہ اپنائے ہوئے ہے۔