آپ کے ماننے یا نہ ماننے سے کیا ہوتا ہے، شہباز گل کا مریم نواز کو جواب 

ویب ڈیسک  پير 26 جولائی 2021
آپ تو کسی پراپرٹی کی ملکیت بھی نہیں مانتی تھیں، شہباز گل کا جواب

آپ تو کسی پراپرٹی کی ملکیت بھی نہیں مانتی تھیں، شہباز گل کا جواب

 اسلام آباد: وزیراعظم کے معاون خصوصی شہباز گل نے مریم صفدر کے بیان پر ردعمل دیتے ہوئے کہا کہ آپ کے ماننے یا نہ ماننے سے کیا ہوتا ہے۔ 

وزیراعظم عمران خان کے معاونِ خصوصی برائے سیاسی روابط ڈاکٹر شہباز گل نے مریم نواز کی جانب سے آزاد کشمیر انتخابات سے متعلق ٹوئٹ پر ردعمل دیتے ہوئے کہا کہ آپ کے ماننے یا نہ ماننے سے کیا ہوتا ہے، آپ تو کسی پراپرٹی کی ملکیت بھی نہیں مانتی تھیں۔ پھر ماننا پڑا۔ اب یہ بھی ماننا پڑے گا بیگم صفدر صاحبہ۔

دوسری جانب وزیرمملکت برائےاطلاعات فرخ حبیب نے اپنی ٹوئٹ میں کہا کہ مریم صفدر مودی کے یاروں کی شکست واضح ہوگئی آپ نے کھسیانی بلی بن کر کھمبا نوچنا شروع کردیا ہے، کشمیر کی عوام نے آر ایس ایس کی انتہا پسندانہ سوچ کیخلاف بات نہ کرنے والی (ن) لیگ کو فل سٹاپ لگادیا ہے، کشمیر کی عوام نے اپنے سچے سفیر اور دلیر وکیل کے حق میں فیصلہ سنا دیا ہے۔

واضح رہے آزاد کشمیر انتخابات میں پی ٹی آئی کی سادی اکثریت کے بعد مریم نواز نے ٹوئٹ کرتے ہوئے کہا کہ میں نے یہ نتائج نہ تسلیم کیے ہیں اور نہ ہی کروں گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔