کراچی انٹرمیڈیٹ بورڈ کا امتحانات ملتوی کرنے کا اعلان

اسٹاف رپورٹر  جمعـء 30 جولائی 2021
تمام امتحانات کی نئی تاریخوں کا اعلان بعد میں کیا جائے گا ۔ فوٹو : فائل

تمام امتحانات کی نئی تاریخوں کا اعلان بعد میں کیا جائے گا ۔ فوٹو : فائل

 کراچی: کورونا کی چوتھی لہر کے باعث اعلیٰ ثانوی تعلیمی بورڈ نے انٹرمیڈیٹ امتحانات ملتوی کرنے کا اعلان کردیا۔

اعلیٰ ثانوی تعلیمی بورڈ کراچی کے چیئرمین پروفیسر ڈاکٹر سعید الدین نے کورونا وباء کی چوتھی لہر کے خطرناک صورتحال اختیار کرنے کے بعد سندھ حکومت کی جانب سے لاک ڈاؤن اور امتحانات ملتوی کرنے کے فیصلے کی روشنی میں یونیورسٹیز اینڈ بورڈز ڈیپارٹمنٹ حکومت سندھ کے احکامات پر انٹرمیڈیٹ بارہویں جماعت کے جاری سالانہ امتحانات برائے 2021 ملتوی کرنے کا اعلان کردیا۔

31 جولائی سے 4 اگست تک ہونے والے بقایا پرچے اور 7 اگست سے شروع ہونے والے گیارہویں جماعت سمیت امپروومنٹ آف ڈویژن، بارہ پرچوں (ٹی پی) اسپیشل چانس، بینیفٹ کیسز، ایڈیشنل مضمون اور شارٹ مضمون کے تمام امتحانات ملتوی کرنے کا اعلان کیا گیا ہے اور ان تمام امتحانات کی نئی تاریخوں کا اعلان بعد میں کیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔