10 سالہ بچے نے دسویں جماعت کا امتحان پاس کرلیا

ویب ڈیسک  اتوار 1 اگست 2021
ادتیہ کرشنا نے دسویں جماعت میں 79 فیصد نمبرز حاصل کیے، فوٹو: بھارتی میڈیا

ادتیہ کرشنا نے دسویں جماعت میں 79 فیصد نمبرز حاصل کیے، فوٹو: بھارتی میڈیا

لکھنؤ: بھارتی ریاست اترپردیش میں 10 سالہ بچے نے دسویں جماعت کا امتحان پاس کرکے سب کو حیران کردیا۔

بھارتی میڈیا کے مطابق اترپردیش کے شہر لکھنؤ میں ایک انوکھے واقعے میں سکینڈری بورڈ نے 10 سالہ بچے کو دسویں جماعت کے امتحان میں بیٹھنے کی خصوصی اجازت دی گئی تھی۔

10 سالہ طالب علم ادتیہ کرشنا نے بھی اپنے اساتذہ کو مایوس نہیں کیا اور دسویں کے امتحان میں 79 فیصد نمبر حاصل کرکے بورڈ کا فیصلہ درست ثابت کردیا۔

بھارت میں دسویں جماعت میں شرکت کے لیے عمر 14 سال سے کم نہیں ہونا چاہیئے تاہم تعلیمی بورڈز باصلاحیت اور ذہین بچوں کے لیے عمر کی حد میں کمی کرنے کا اختیار ہے۔

اس سے قبل ایک پانچ سالہ طالبہ کو بھی نویں جماعت کے لیے انرول کیا گیا تھا۔ اس بچی نے 2007 میں میٹرک پاس کیا تھا جو یہ امتحان پاس کرنے والی اب تک کی سب سے کم عمر طالب علم ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔