وادی تیراہ میں ایف سی پر حملے میں دو جوان شہید

ویب ڈیسک  جمعرات 5 اگست 2021
ایف سی جوان پانی بھرنے کے لئے جا رہے تھے کہ ان پر فائرنگ ہوئی فوٹو:فائل

ایف سی جوان پانی بھرنے کے لئے جا رہے تھے کہ ان پر فائرنگ ہوئی فوٹو:فائل

 پشاور: ضلع خیبر اور ضلع کرم کی سرحد پر فرنٹئیر کانسٹیبلری کے جوانوں پر حملے میں دو جوان شہید ہوگئے۔

ایف سی خیبرپختونخوا کے مطابق وادی تیراہ کے دور افتادہ پہاڑی علاقے میں فرنٹیئر کانسٹیبلری کے جوان پانی بھرنے کے لئے جا رہے تھے کہ ان پر فائرنگ ہوئی جس سے دو جوان شہید ہوگئے۔

واقعے کی اطلاع ملتے ہی جائے وقوعہ پر پولیس اور فرنٹئیر کانسٹیبلری کی ٹیمیں پہنچ گئیں اور لاشوں کو منتقل کیا۔ سیکیورٹی فورسز نے ملزمان کی تلاش کےلیے علاقے میں سرچ آپریشن شروع کردیا ہے اور مزید تحقیقات جاری ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔