جاپان ٹرین میں چاقو بردار شخص کا مسافروں پر حملے میں 10 افراد زخمی

پولیس نے چاقو بردار ملزم کو حراست میں لے لیا، فوٹو: اے ایف پی

---

جاپان کے دارالحکومت میں چاقو بردار شخص نے چلتی ہوئی ٹرین میں مسافروں پر حملہ کردیا جس کے نتیجے میں 10 افراد زخمی ہوگئے۔

عالمی خبر رساں ادارے کے مطابق جاپان کے دارالحکومت ٹوکیو کے ٹرین میں 36 سالہ چاقو بردار شخص نے پہلے ایک طالبہ پر چاقو سے حملہ کیا اور اس کے بعد دیگر مسافروں پر بھی وار کیے۔ حملے میں 10 افراد زخمی ہوگئے۔

مسافروں کی چیخ و پکار سُن کر ڈرائیور نے ٹرین کو ایمرجنسی اسٹاپ پر روک لیا۔ چاقو کے وار سے طالبہ کے شدید زخمی ہونے کی وجہ سے حالت نازک بتائی جا رہی ہے جب کہ دیگر 9 مسافر معمولی زخمی ہوئے۔

پولیس نے ملزم کو حراست میں لے لیا۔ جس نے ابتدائی بیان میں بتایا کہ ٹرین میں موجود ایک خاتون انتہائی خوش دکھائی دے رہی تھی جس پر مجھے غصہ آرہا تھا اور میں نے اسے قتل کرنا چاہا تھا لیکن دیگر مسافر بھی بچانے آگئے۔