بھارت دوسرے ممالک کے نشریاتی حقوق کا کنٹرول چاہتا ہے مانی کا انکشاف

دوسرے بورڈز کو بھی اس نشریاتی ادارے سے تعلقات منقطع کرنے اپنے منظور نظر چینل کو حقوق دلانے کی کوشش کرسکتا ہے۔ فوٹو: فائل

---

آئی سی سی کے سابق صدر احسان مانی نے انکشاف کیاکہ بھارت دوسرے ممالک کے نشریاتی حقوق کا کنٹرول چاہتا ہے۔

انھوں نے کہا کہ بھارتی کرکٹ بورڈ نے یہ تجویز پیش کی کہ اگر کسی بورڈ کا میزبان براڈ کاسٹر سے کوئی تنازع چل رہا ہو تو وہ اپنی ٹیم کا ٹور منسوخ بھی کرسکتا ہے۔ مانی نے کہا کہ ایسی صورت میں اگر بی سی سی آئی کے کسی نشریاتی چینل سے اختلافات ہیں تو وہ ٹور منسوخ کرنے کی دھمکی دے کر دوسرے بورڈز کو بھی اس نشریاتی ادارے سے تعلقات منقطع کرنے اپنے منظور نظر چینل کو حقوق دلانے کی کوشش کرسکتا ہے۔